Prishtinë, 23 prill - Instituti GAP organizon konferencën për media ku prezanton analizën mbi buxhetin e Kosovës 2017 - (mos) plotësimi i rekomandimeve të Komisionit Evropian.

Integrimi i Kosovës në Bashkimin Evropian (BE) është një nga prioritetet kryesore të Qeverisë së Kosovës.

Çdo vit, Komisioni Evropian bën një vlerësim të  kapaciteteve institucionale të Kosovës lidhur me përmbushjen e kritereve të BE-së për integrim.

Por, sa është trajtuar me prioritet agjenda integruese e Kosovës në Ligjin për Buxhetin e Republikës së Kosovës për vitin 2017?

Për këtë qëllim, Instituti GAP do të prezantojë një analizë lidhur me adresimin e sfidave të identifikuara nga Raporti i Komisionit Evropian për Kosovën me Ligjin për Buxhetin e Republikës së Kosovës për vitin 2017.