20 Prill 2018

Orkestra e FSK-së dhe e Ushtrisë turke me koncert të përbashkët

Prishtinë, 21 prill - Në  Kazermën ,,Adem Jashari’’ në Prishtinë  u mbajt një koncert i përbashkët i Orekestrës Muzikore të Forcave të Armatosura të Turqisë në bashkëpunim me Orkestrën  e Forcës së Sigurisë së Kosovës (FSK).

Për të  dëgjuar programin e dy orkestrave të pranishëm ishin  zëvendës komandanti i Komandës së Forcave Tokësore ( KFT), gjeneral brigade Gëzim Hazrolli, zëvendës komandanti komandanti i  Brigadës së Mbështetjes Operacionale ( BMO ),  kolonel Avdi Rraci, Shefi i Operativës  së KFT –së, kolonel Bashkim Shillova, komandanti i Kontingjentit Turk në Kosovë, kolonel Mustafa Tavazar  si dhe oficer dhe  nën oficer  të FSK-së dhe Ushtrisë së Turqisë.

Me këtë rast të gjithë të pranishmëve  me një  fjalë rasti i ‘u drejtua gjeneral Hazrolli i cili  i   përshëndeti  të gjithë të pranishmit ndërsa Orkestrën e  Ushtrisë turke e falënderoi për këtë iniciative dhe bashkëpunim, dhe shtoi se “në kuadër të ndërtimit të kapaciteteve operacionale një ndër kapacitetet shumë të rëndësishme është edhe Bendi Muzikor’’.

Në fund gjeneral Hazrolli tha gjithashtu se: ,,Ne mburremi me kapacitetet që kemi ngritur deri tani dhe me profesionalizmin e tyre dhe mendoj që shkëmbimi i eksperiencave me Orkestrën Muzikor të ushtrisë turke do të jetë edhe një e arritur pa diskutim që do të shohim edhe në të ardhmen”.

I kënaqur nga realizimi i këtij bashkëpunimi u shpreh edhe  komandanti i Kontingjentit ushtarak turk në Kosovë, kolonel Mustafa Tavazar “ Bendi muzikor i ushtrisë së Turqisë  së bashku me Orkestrën Frymore të FSK-së na bënë që të përjetojmë qaste  të këndshme,  jemi mjaft të kënaqur edhe me bendin që ka  FSK-ja’’.

Në fund, kolonel TvazarNa u shpreh se FSK-ja ka një bend të mrekullueshëm: ,,Qëllimi ynë është të tregojmë respektin që kemi ndaj Kosovës edhe nëpërmjet shkëmbimeve kulturore’’.

Gjatë  këtij koncerti   të  gjithë të pranishmit patën mundësi që të argëtohen  dhe të shijojnë   interpretimin e veprave  të mrekullueshme nga këto dy orkestra me ç ‘rast Orkestra turke  befasoj publikun me interpretimin e  dy këngëve  shqipe të  cilat u  priten mjaft mirë nga të gjithë të pranishmit.

 

 

Kalendari

Ngjarjet e datës 20 Prill 2018

- Ministria e Shëndetësisë, me mbështetjen e Organizatës Botërore të Shëndetësisë-Zyra në Prishtinë, shënon Ditën Botërore të Shëndetit me temën: “Mbulimi shëndetësor i përgjithshëm: për të gjithë, kudo”. (Ndërtesa e Qeverisë, Salla P-38, ora 9:00)

- Kryeministri i Republikës së Kosovës, Ramush Haradinaj, merr pjesë në shënimin e Ditës Botërore të Shëndetit. (Ndërtesa e Qeverisë, salla P-38, ora 9:00)

- Ministrja e Mjedisit dhe Planifikimit Hapësinor, Albena Reshitaj do t’i bashkohet përseri aksionit të komunës së Suharekës për largimin e mbeturinave përgjatë rrugëve kryesore dhe lokale, shesheve dhe hapësirave publike të kësaj komune. (Objekti i komunës së Suharekës, ora 9:30)

- Mbahet Mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrimit Raportit Vjetor i Zyrës së Rregullatorit të Energjisë dhe shqyrtimi i Raportit te Projektligjit për Mbrojtjen e Konsumatorit. (Ndërtesa e Kuvendit, salla N 10, ora 10:00)

- Ministri i Drejtësisë, Abelard Tahiri, së bashku me përfaqësues e Odës Ekonomike e Kosovës dhe Odës Ekonomike Amerikane do të takojnë bizneset nga rajoni i Pejës në kuadër të kampanjës “Drejtësia dhe biznesi”. (Restorant “Univers” në Pejë, ora 10:00)

 - Zyra e Bashkimit Evropian dhe Ministria e Integrimit Evropian organizojnë prezantimin e 45 përfituesve të granteve të përzgjedhur në raundin XI të projektit të Skemës së Qelizave të Reja për të ndjekur studimet për Master një vjeçar në universitetet e BE-së. (Hotel Sirius, ora 10:30)

 - Ministria e Infrastrukturës do të mbajë ceremoninë e inaugurimit të fillimit të punimeve për ndërtimin e “Rrugës Rajonale R102, Komoran-Skenderaj, Segmenti Komoran-Morinë”. (Fshati Polluzhë te rreth - rrotullimi, ora 11:00)

- Mbahet manifestim për nderë të 70-të vjetorit  të themelimit të SHFMU 'Isa Boletini". (Ambientet e Shkollës 'Isa Boletini' në Isniq, ora 11:00)

- Ministria e Infrastrukturës do të mbajë ceremoninë e inaugurimit të fillimit të punimeve për ndërtimin e “Rrugës Rajonale R102, Komoran-Skenderaj, Segmenti Komoran-Morinë”. (Fshati Polluzhë te​ rreth - rrotullimi, ora 11:00)

- Mbahet konferenca e rregullt javore e Grupit Parlamentar të Lidhjes Demokratike të Kosovës. (Selia qendrore e LDK-së, te Qafa, ora 11.00)

- Mbahet seanca e jashtëzakonshme e Kuvendit të Republikës së Kosovës në të cilën do të mbahet debat parlamentar lidhur me Raportin e Progresit për Republikën e Kosovës.. (Kuvendi i Kosovës, ora 12:00)

-  Aleanca Kosovare e Bizneseve mban konferencë për media me temë 'Publikimi i dokumentave zyrtare të Bosnjës dhe Herecegovinës që paraqesin shtet Republikën e Kosovës'. (Zyret e AKB-së, ora 13:30) 

- Ministri i Kulturës, Rinisë dhe Sportit, Kujtim Gashi, do të marrë pjesë në konferencën e organizuar me rastin e pjesëmarrjes së Republikës së Kosovës në edicionin e 16-të të Ekspozitës Ndërkombëtare, Bienalen e Venedikut. (Galerinë Kombëtare të Kosovës, ora 13:45)

- Qendra për Hulumtime Psiko-Sociale dhe Mjekësore organizon 'Evidence Based Future'. (Hotel Grand, ora 14:00)

- Agjensioni i Përkrahjes së Punësimit Kosovë mbanë takimin përmbyllës me 61 punëkërkuesit kosovarë të cilët në fillim të shtatorit do të fillojnë shkollimin dhe aftësimin trevjeçar profesional në profesionin “Përkujdesës/e ndaj të moshuarve” në Gjermani. (Salla e konferencave, objekti i APPK-së, ora 18:00)