21 Prill 2018

Partia e presidentit Macron fiton shumicën në parlament

Paris, 19 qershor - Partia e presidentit francez, Emmanuel Macron "Lëvizja për Republikën" (LREM) fitoi shumicën në Dhomën e Ulët të Parlamentit.

 Bazuar në llogaritjen paraprake të votave në raundin e dytë dhe atë përfundimtar të garës legjislative, LREM fitoi e vetme 315 vende në parlament, ndërsa duhen vetm 289 vende për të patur shumicën në Asamblenë Kombëtare.

Kryetarja e partisë, Catherine Barbaroux (Katrin Barbaro)vlerësoi fitoren në zgjedhjet parlamentare.

"Tani duket që presidenti i Francës, Emmanuel Macron dhe kryeministri Edouard Philippe kanë një shumicë të qartë dhe të qëndrueshme për të zbatuar përparësitë e marrëveshjes mes tyre dhe popullit francez."

"Janë një shumicë burrash dhe grash, anëtarët tanë të parlamentit, që falë përvojave të tyre do të votojnë ligje në dobi të zhbllokimit të ekonomisë së Francës, çlirimit të energjive, krijimit të një solidariteti dhe mbrojtje të re për popullin francez, veçanërisht për shtresën në nevojë të tij", tha Barbaroux.

Ajo shtoi se parlamenti i ri do të jetë i rinovuar dhe i larmishëm me politikanë profesionistë dhe përvoja nga shoqëria civile.

Republikanët fituan 133 vende në parlament, duke u bërë partia më e madhe opozitare në vend. Në parlamentin e ri të Francës do të ulen gjithashtu 6 deputetë të Frontit Kombëtar nga 2 të legjislaturës së kaluar dhe 32 të Partisë Socialiste. 

Kalendari

Ngjarjet e datës 21 Prill 2018

- Shoqata të Shurdhërve në Prishtinë organizon turneun Ndërkombëtarë në futsall dhe pikado për Përsonat e Shurdhër në Republikën e Kosovës. (Pallati i Rinisë, ora 9:00)

- Federata e pingpongut të Kosovës do të organizojë turneun memorial për të rinjë "Bedri Ajeti", ora 9:30

- Shënohet 20 vjetori i nisjes së luftës frontale të UÇK-së në Zonën e Dukagjinit me ç'rast në këtë ditë do të bëhen edhe homazhe për të rënët. (Varrezat e Dëshmorëve të Kombit në Baballoq, ora 11:00)

- Prezantohet ekspozita e parë personale grafike “n’4tn”e artistes së re kosovare Hana Arapi, me mbështetjen e kuratores Lyra Zajmi. (Hapësira e Hamamit "Gazi Mehmet Pasha" në Prizren, ora 19:00)