20 Prill 2018

Macron betohet si president i Francës

Paris, 14 maj - Në prag të betimit të presidentit të ri të Francës, Emmanuel Macron, anembanë Parisit janë shtuar masat e sigurisë. Kandidati i pavarur Macron fitoi bindshëm në balotazhin e fundjavës së kaluar, përballë rivales së tij nga ekstremi i djathtë, Marine Le Pen.

Ish-bankieri i investimeve nuk kishte garuar asnjëherë për një post zyrtar përmes zgjedhjeve, ndërsa lëvizjen e tij politike të qendrës e formoi vetëm një vit më parë. Ndërsa sot, Macron pritet të marrë drejtimin e Pallatit “Elysee”, çelësat e së cilës do t’ia dorëzojë presidenti në largim François Hollande.

Qindra forca shtesë policore do të jenë në patrullim rrugëve të kryeqytetit francez, gjatë kohës që do të zhvillohet ceremonia në Pallatin “Elysee”, rezidenca zyrtare presidenciale.

Franca ndodhet në gjendje emergjence që prej sulmeve terroriste të vitit 2015, ndaj dhe një pjesë e madhe e qendrës së qytetit do të jetë e bllokuar për trafikun gjatë të gjithë paradites.

Pas dorëzimit të pushtetit do të pasojë inspektimi i trupave ushtarake që do të shoqërohet me 21 të shtëna përshëndetëse.

Macron pritet të vizitojë më pas Harkun e Triumfit dhe të vendosë kurora me lule në varrin e ushtarit të panjohur.

Macron do të jetë presidenti më i ri i Francës në moshën 39-vjeçare, që prej kurorëzimit të Napoleon Bonaparte si perandor në vitin 1804, si dhe i pari që prej themelimit të Republikës së Pestë franceze nga presidenti Charles de Gaulle, në 1958-n.

Lëvizja e tij politike “En Marche” u formua vitin e kaluar, ndërsa si parti e re “La Republique En Marche” do të dorëzojë listat e kandidatëve për deputetë për Asamblenë 577-vendëshe të Francës në zgjedhjet parlamentare të muajit qershor.

Ai ka premtuar se do të “punojë për të gjithë” dhe thotë se programi i tij do të shërbejë për të majtë e të djathtë. Java e parë e Macronit në detyrë do të jetë e ngarkuar. Ai do të niset për në Berlin të hënën për t’u takuar me Kancelaren Angela Merkel, si dhe për të treguar angazhimin e tij ndaj Bashkimit Europian. Ai pritet gjithashtu të emërojë një kryeministër të vendit.

Macron përballet me disa sfida të rëndësishme, përfshi papunësinë e lartë veçanërisht mes të rinjve në Francë, si dhe rritjen ekonomike tejet të ulët. Synimet e tij janë të forcojë investimet dhe të krijojë një model të ri rritjeje ekonomike, që do të rrisë mirëqenien dhe mbrojë mjedisin.

Kalendari

Ngjarjet e datës 20 Prill 2018

- Ministria e Shëndetësisë, me mbështetjen e Organizatës Botërore të Shëndetësisë-Zyra në Prishtinë, shënon Ditën Botërore të Shëndetit me temën: “Mbulimi shëndetësor i përgjithshëm: për të gjithë, kudo”. (Ndërtesa e Qeverisë, Salla P-38, ora 9:00)

- Kryeministri i Republikës së Kosovës, Ramush Haradinaj, merr pjesë në shënimin e Ditës Botërore të Shëndetit. (Ndërtesa e Qeverisë, salla P-38, ora 9:00)

- Ministrja e Mjedisit dhe Planifikimit Hapësinor, Albena Reshitaj do t’i bashkohet përseri aksionit të komunës së Suharekës për largimin e mbeturinave përgjatë rrugëve kryesore dhe lokale, shesheve dhe hapësirave publike të kësaj komune. (Objekti i komunës së Suharekës, ora 9:30)

- Mbahet Mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrimit Raportit Vjetor i Zyrës së Rregullatorit të Energjisë dhe shqyrtimi i Raportit te Projektligjit për Mbrojtjen e Konsumatorit. (Ndërtesa e Kuvendit, salla N 10, ora 10:00)

- Ministri i Drejtësisë, Abelard Tahiri, së bashku me përfaqësues e Odës Ekonomike e Kosovës dhe Odës Ekonomike Amerikane do të takojnë bizneset nga rajoni i Pejës në kuadër të kampanjës “Drejtësia dhe biznesi”. (Restorant “Univers” në Pejë, ora 10:00)

 - Zyra e Bashkimit Evropian dhe Ministria e Integrimit Evropian organizojnë prezantimin e 45 përfituesve të granteve të përzgjedhur në raundin XI të projektit të Skemës së Qelizave të Reja për të ndjekur studimet për Master një vjeçar në universitetet e BE-së. (Hotel Sirius, ora 10:30)

 - Ministria e Infrastrukturës do të mbajë ceremoninë e inaugurimit të fillimit të punimeve për ndërtimin e “Rrugës Rajonale R102, Komoran-Skenderaj, Segmenti Komoran-Morinë”. (Fshati Polluzhë te rreth - rrotullimi, ora 11:00)

- Mbahet manifestim për nderë të 70-të vjetorit  të themelimit të SHFMU 'Isa Boletini". (Ambientet e Shkollës 'Isa Boletini' në Isniq, ora 11:00)

- Ministria e Infrastrukturës do të mbajë ceremoninë e inaugurimit të fillimit të punimeve për ndërtimin e “Rrugës Rajonale R102, Komoran-Skenderaj, Segmenti Komoran-Morinë”. (Fshati Polluzhë te​ rreth - rrotullimi, ora 11:00)

- Mbahet konferenca e rregullt javore e Grupit Parlamentar të Lidhjes Demokratike të Kosovës. (Selia qendrore e LDK-së, te Qafa, ora 11.00)

- Mbahet seanca e jashtëzakonshme e Kuvendit të Republikës së Kosovës në të cilën do të mbahet debat parlamentar lidhur me Raportin e Progresit për Republikën e Kosovës.. (Kuvendi i Kosovës, ora 12:00)

-  Aleanca Kosovare e Bizneseve mban konferencë për media me temë 'Publikimi i dokumentave zyrtare të Bosnjës dhe Herecegovinës që paraqesin shtet Republikën e Kosovës'. (Zyret e AKB-së, ora 13:30) 

- Ministri i Kulturës, Rinisë dhe Sportit, Kujtim Gashi, do të marrë pjesë në konferencën e organizuar me rastin e pjesëmarrjes së Republikës së Kosovës në edicionin e 16-të të Ekspozitës Ndërkombëtare, Bienalen e Venedikut. (Galerinë Kombëtare të Kosovës, ora 13:45)

- Qendra për Hulumtime Psiko-Sociale dhe Mjekësore organizon 'Evidence Based Future'. (Hotel Grand, ora 14:00)

- Agjensioni i Përkrahjes së Punësimit Kosovë mbanë takimin përmbyllës me 61 punëkërkuesit kosovarë të cilët në fillim të shtatorit do të fillojnë shkollimin dhe aftësimin trevjeçar profesional në profesionin “Përkujdesës/e ndaj të moshuarve” në Gjermani. (Salla e konferencave, objekti i APPK-së, ora 18:00)