26 Shtator 2020

Kusari Lila vlerësoi trajnimin e ndërmarrësve nga Kosova në SHBA

Massachusetts., 7 mars - Zëvendëskryeministrja dhe Ministrja e Tregtisë dhe Industrisë është duke qëndruar në Shtetet e Bashkuara të Amerikës, ku po mban një mori takimesh. Gjatë qëndrimit dy ditor në shtetin New Hampshire, zv.kryeministrja Kusari-Lila mori pjesë në disa aktivitete, që kanë për qëllim ngritjen e kapaciteteve të ndërmarrësisë dhe promovimin e investimeve në Kosovë.

Ajo u takua me përfaqësues të Universitetit të Dartmouth-it dhe mori pjesë në panelin vlerësues të ideve të prezantuara nga 5 ndërmarrësit e rinj nga Kosova të cilët kanë studiuar për 9 javë në SHBA me financim të Ministrisë së Tregtisë dhe Industrisë dhe ndihmë të Universitetit të Dartmouthit.

Ndërmarrësit e rinj me sukses e kanë kompletuar programin e tyre duke i zhvilluar idetë  e tyre të biznesit si dhe duke vizituar qendra inovative dhe inkubatorë të bizneseve në NewHampshire dhe Massachusetts.

Të gjithë këta të rinj do të kthehen në Kosovë, ku do të vendosen në Qendrën Inovative të Gjakovës, që është financim i Ministrisë së Tregtisë dhe Industrisë. Ky inkubator biznesi ka për qëllim promovimin e ndërmarrësish, si dhe vetëpunësimin në Gjakovë.

Në ditën e dytë, zv.kryeministrja Kusari-Lila u takua me Këshillin për Zhvillim Ekonomik të shtetit të New Hampshire, ku anëtarët e këtij këshilli dëgjuan prezantimet e 5 ndërmarrësve të rinj në planin për zhvillimin e Qendrës Inovative të Gjakovës.

Me pas, Kusari-Lila u takua me guvernatoren e New Hampshire, MargaretHussein, me ç ‘rast u informuan rreth aktivitetet për zhvillim ekonomik që ky shtet është duke i ndërmarrë për të tërhequr investime si dhe për të promovuar ndërmarrësinë.

Zëvendëskryeministrja Mimoza Kusari – Lila do të vazhdojë vizitën e saj në Denver të Colorados ku do të mbajë takime individuale me disa kompani të interesuara në projektin e Brezovicës.

Gjatë këtyre takimeve do të prezantohen procedurat për këtë projekt  dhe potencialin që ka ky resor në të ardhmen.


 

Kalendari

Ngjarjet e datës 26 Shtator 2020

- Partia Socialdemokrate do të mbaj një aktivitet afër bankës "Pro Credit Bank". (Përballë rektoratit të UP-së, lagjia "Tre Sheshirat", ora 13:00)

- Platforma Bashkë-krijuese GërrGërr organizon ditën e dytë të programit, “Kuzhina Anasjelltas”. (Kino Bahçe, te Lumbardhi në Prizren, ora 18:00)

- Mbahet nata e dytë e edicionit të festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, ora 18:30)