19 Janar 2018

Pesë federatave të sportit u ndahen 298 mijë euro

Prishtinë, 20 prill - Ministria e Kulturës, Rinisë dhe Sportit, ka nënshkruar sot memorandume të bashkëpunimit edhe me pesë federata tjera të sportit, duke përkrahur financiarisht këto federata për realizimin e planeve për vitin 2017.

Vlera e përgjithshme e përkrahjes për pesë federatat arrin shumën e 298 mijë eurove. Me 80 mijë euro për këtë vit do të mbështetet Federata e Sportit Shkollor të Kosovës, Federata e Tenisit do të përkrahet me 65 mijë euro, Federata e Ping-Pongut me 53 mijë euro Federata e Peshëngritjes me 63 mijë, ndërkaq Federata e Gjimnastikës me 37 mijë euro.

Duke nënshkruar memorandumet, MKRS-ja i ndihmon federatat për pavarësimin financiar të tyre në mënyrë që ato të sigurojnë ngritje cilësore.

Ministri Shala tha se MKRS-ja duke përkrahur federatat financiarisht, po punon për të ndihmuar sportin e Kosovës.

Po ashtu ai u shpreh se, pas investimit financiar nga ana e MKRS-së, federatat do ta kenë më të lehtë planifikimin e aktiviteteve të tyre.

MKRS-ja po punon në rritjen e përkrahjes për sportin, përmes investimeve dhe subvencionimeve të federatave, me qëllim të zhvillimit të sportit të Kosovës.

Ndërkaq, drejtuesit e federatave përkatëse e falënderuan ministrin Shala për bashkëpunimin dhe përkrahjen. Ata vlerësuan se kjo formë e bashkëpunimit mes MKRS-së dhe federatave të tyre u mundëson menaxhim më të mirë të mjeteve financiare. 

Kalendari

Ngjarjet e datës 19 Janar 2018

- Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi takohet me Koalicionin e OJQ-së për Integritet dhe Transparencë në Universitet. (Ndërtesa e Kuvendit, salla S-II, ora 10:00)

- Ministri i Zhvillimit Ekonomik, Valdrin Lluka do të mbajë konferencë për media, me ç’rast do të publikohen kontratat komerciale të nënshkruara nga Qeveria e Kosovës dhe investitori ContourGlobal për projektin e TC Kosova e Re. (Mjediset e MZHE-së, ora 10:00)

- Mbahet mbledhje e Komisionit për Mbikëqyrjen e Financave Publike në të cilën do të inicohet procedura për Auditimin e raporteve financiare të Subjekteve Politike, për vitin 2017, etj. (Ndërtesa e Kuvendit, salla  sallën N 303, ora 10:00)

- Mbahet seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, ora 10:00)

- Mbahet mbledhja e Komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet raporti për gjendjen e mjedisit, i ftuar kryeshefi i Agjencisë për mbrojtjen e mjedisit. (Ndërtesa e Kuvendit, salla N 302, ora 10:30

- Ministri i Drejtësisë, Abelard Tahiri,  do të vizitojë Burgun e Hapur në Smrekonicë. (Fshati Smrekonicë, magjistrala Prishtinë - Mitrovicë, ora 11:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të shqyrtohet Projektligji për Tatimin në Pronën e Paluejtshme, me raport amandamente të Komisionit funksional për Buxhet dhe Finanaca. (Ndërtesa e Kuvendit, salla N 303, ora 12:00)

- Kryetari i Komunës së Gjilanit, Lutfi Haziri, do të takoj zëvendësministrin e Diasporës, Xhavit Zariqi. (Zyra e kryetarit të Komunës së Gjilanit, ora 13:00)

 

- Kryeministri Ramush Haradinaj vizitë pune në Komunën e Junikut. (Ndërtesa e Komunës, ora 13:30)

- Nën organizimin e kryetarit të Komunës së Gjilanit, Lutfi Haziri, organizohet tryezë shkencore kushtuar figurës së Skënderbeut në 500-vjetorin e vdekjes, në të cilën pos kryetarit Lutfi Haziri, do të marrin pjesë edhe historianë e njohës së figurës së heroit. (Shkolla “Don Bosko”, në Gjilan, ora 14:00)

 

- Kryeministri Ramush Haradinaj vizitë pune në Komunën e Deçanit. (Ndërtesa e Komunës, ora 15:00)