18 Janar 2018

Edhe për gjashtë federata, 404 mijë euro

Prishtinë, 14 prill - Në vazhdën e përkrahjes së drejtpërdrejtë për federatat e sportit, Ministria e Kulturës, Rinisë dhe Sportit, ka nënshkruar sot memorandume të bashkëpunimit edhe me gjashtë federata tjera të sportit, duke përkrahur financiarisht këto federata për realizimin e planeve për vitin 2017.

Vlera e përgjithshme e përkrahjes për gjashtë federatat arrin shumën e 404 mijë eurove. Me nga 70 mijë euro për këtë vit do të mbështeten Federata e Boksit e Kosovës, përkatësisht e Shenjëtarisë. Federata e Mundjes dhe ajo e Auto Sporteve, secila do të përkrahen me nga 68 mijë euro, ndërkaq Federata e Çiklizmit me 65 mijë euro dhe Federata e Notit me 63 mijë.

Duke nënshkruar memorandumet, MKRS-ja i ndihmon federatat dhe u krijon lehtësira për pavarësimin financiar të tyre që ato të funksionojnë me efikasitet dhe të sigurojnë ngritje cilësore.

Ministri Shala përgëzoi federatat për nënshkrimin e memorandumeve. Ai u shpreh se MKRS-ja është e fokusuar për të ndihmuar sportin duke përkrahur federatat financiarisht, e cila menaxhmentit të federatave në fjalë u mundëson planifikim më të mirë dhe operim më të lehtë.

Ndër tjera, ministri tha se, sfidë mbeten rezultatet dhe përfaqësimi sa më konkurrues në nivelin e garave qofshin ato vendore apo ndërkombëtare, të cilat ndikojnë në përmirësimin e sportit por edhe të imazhit të Kosovës, dhe kjo mënyrë e mbështetjes nga ministria do të ketë edhe këtë funksion.

Ndërkaq, drejtuesit e federatave përkatëse e falënderuan ministrin Shala për bashkëpunimin dhe përkrahjen. Ata vlerësuan se kjo formë e bashkëpunimit mes MKRS-së dhe federatave të tyre e bën më të lehtë planifikimin vjetor të aktiviteteve dhe u mundëson menaxhim më të mirë të mjeteve financiare.

Në anën tjetër, kjo mënyrë e mbështetjes nga ministria është dëshmuar se ka krijuar lehtësira për veprimtarinë e federatave dhe për avancimin cilësor të sportit të Kosovës. 

Kalendari

Ngjarjet e datës 18 Janar 2018 - Ministri i Arsimit,Shkencës dhe Teknologjisë, Shyqiri Bytyqi do të zhvilloi një takim me kryetarin e komunës Gazmend Muhaxheri. (Rezidenca e kryetarit Muhaxheri në Pejë, ora 9:30)

- Mbahet mbledhja e Kuvendit Komunal të Prishtinës, ku do të formohet Komiteti për Politikë dhe Financa si dhe do të caktohen anëtarët e komisioneve të aksionarëve nëpër ndërmarrjet publike komunale. (Objekti i Komunës, ora 10:00)

- Demokracia Plus në bashkëpunim me CoDe organizon tryezën me temë “Roli i Grupeve Jo formale të Grave në Politik Bërje – Shkëmbimi i përvojave në mes të grupeve jo formale të grave në nivel lokal dhe institucioneve qendrore”. (Hotel Sirius, ora 10:00)

- Koalicioni i OJQ–ve për Mbrojtjen e Fëmijëve në Kosovë - KOMF organizon konferencën e lançimit kombëtar të Indeksit për Mbrojtjen e Fëmijës 2.0. (Hotel Sirius, ora 10:00)

- Hapen punimet e punëtorisë me temë  “ Profilizimi i mësimdhënësve të klasave  I -V ”,  të organizuar nga MAShT dhe ku do të jenë të pranishëm drejtorët e Drejtorive Komunale të Arsimit në rajonin e Pejës  si dhe të gjithë drejtorët e Sh.F.M.U-ve së bashku me dy mësimdhënës të klasave  I –V dhe nga një mësimdhënës i shkollave të fshatrave. (Shkolla fillore “Shaban Spahija “ në Pejë, ora 10:00)

- Ministri i Infsrastrukturës, Pal Lekaj, do të zhvillojë vizitë inspektuese në Autostradën “Arbën Xhaferi”. (Autostrada në fshatin Doganaj, ora 10:30)

- Në kuadër të lansimit të programit Zhvillim Rajonal, Ministria për Zhvillim Rajonal,  nesër më 18 janar, 2018,  nga ora 13:30, organizon takimin me kryetarët e Komunave të Republikës së Kosovës me qëllim të informimit të komunave lidhur me këtë programin për Zhvillim Rajonal dhe mundësit e zhvillimit socio- ekonomik rajonal. (Ndërtesa e Qeverisë, salla e takimeve P-38 në, ora 13:30) 

- Mbahet mbledhja për themelimin e komisionit për bashkëpunim ndërkombëtar dhe kordinim vendor në fushën e Shkencës së Astronomisë në kuadër të Asociacionit për Mbështetjen e Arsimit dhe Aftësimit Profesional të Republikës së Kosovës. (Ministria e Arsimit, Shkencës dhe Teknologjisë, ora 15:00)