18 Janar 2018

Gjashtë federatave të sportit u ndahen 913 mijë euro

Prishtinë, 13 prill - Ministria e Kulturës, Rinisë dhe Sportit, ka nënshkruar sot memorandume të bashkëpunimit me gjashtë federata të sportit, me qëllim të mbështetjes financiare për arritjen e objektivave dhe synimeve të këtyre federatave për vitin 2017.

Vlera e përgjithshme me të cilën do të përkrahen këto federata arrin shumën e 913 mijë eurove. Konkretisht, Federata e Basketbollit e Kosovës do të mbështetet me 210 mijë euro këtë vit, e Hendbollit po ashtu me 210 mijë euro, e Volejbollit me 170 mijë euro, Xhudo me 135 mijë, Karateja me 98 mijë dhe Federata e Atletikës me 90 mijë euro.

MKRS-ja, përmes nënshkrimit të këtyre memorandumeve, i ndihmon federatat ta kenë më të lehtë funksionimin e tyre, realizimin e programeve dhe synimeve të planifikuara. Gjithashtu, kjo formë e përkrahjes mundëson që federatat të ushtrojnë veprimtarinë e tyre, organizimin e garave vjetore dhe pjesëmarrjen në ngjarje të rëndësishme ndërkombëtare.

Drejtuesit e federatave këtë formë të përkrahjes e vlerësojnë jashtëzakonisht pozitive. Nëpërmjet memorandumeve krijohen kushtet për planifikim më të mirë dhe për veprimtari konkrete.

Ministri Kujtim Shala u shpreh se MKRS-ja duke përkrahur federatat në këtë mënyrë, po punon për të ndihmuar sportin e Kosovës, që sportistët të jenë aktiv dhe të korrin rezultate. Federatat do të mund të planifikojnë dhe do ta kenë më të lehtë operimin kur e dinë shumën e plotë që kanë në dispozicion nga ministria, u shpreh Shala.

MKRS-ja po harton politika të atilla, që përkrahja për sportin të rritet vazhdimisht, me investime në infrastrukturë dhe subvencionim të federatave, në mënyrë që sporti i Kosovës të zhvillohet në përkim. me standardet ndërkombëtare.

Kalendari

Ngjarjet e datës 18 Janar 2018 - Ministri i Arsimit,Shkencës dhe Teknologjisë, Shyqiri Bytyqi do të zhvilloi një takim me kryetarin e komunës Gazmend Muhaxheri. (Rezidenca e kryetarit Muhaxheri në Pejë, ora 9:30)

- Mbahet mbledhja e Kuvendit Komunal të Prishtinës, ku do të formohet Komiteti për Politikë dhe Financa si dhe do të caktohen anëtarët e komisioneve të aksionarëve nëpër ndërmarrjet publike komunale. (Objekti i Komunës, ora 10:00)

- Demokracia Plus në bashkëpunim me CoDe organizon tryezën me temë “Roli i Grupeve Jo formale të Grave në Politik Bërje – Shkëmbimi i përvojave në mes të grupeve jo formale të grave në nivel lokal dhe institucioneve qendrore”. (Hotel Sirius, ora 10:00)

- Koalicioni i OJQ–ve për Mbrojtjen e Fëmijëve në Kosovë - KOMF organizon konferencën e lançimit kombëtar të Indeksit për Mbrojtjen e Fëmijës 2.0. (Hotel Sirius, ora 10:00)

- Hapen punimet e punëtorisë me temë  “ Profilizimi i mësimdhënësve të klasave  I -V ”,  të organizuar nga MAShT dhe ku do të jenë të pranishëm drejtorët e Drejtorive Komunale të Arsimit në rajonin e Pejës  si dhe të gjithë drejtorët e Sh.F.M.U-ve së bashku me dy mësimdhënës të klasave  I –V dhe nga një mësimdhënës i shkollave të fshatrave. (Shkolla fillore “Shaban Spahija “ në Pejë, ora 10:00)

- Ministri i Infsrastrukturës, Pal Lekaj, do të zhvillojë vizitë inspektuese në Autostradën “Arbën Xhaferi”. (Autostrada në fshatin Doganaj, ora 10:30)

- Në kuadër të lansimit të programit Zhvillim Rajonal, Ministria për Zhvillim Rajonal,  nesër më 18 janar, 2018,  nga ora 13:30, organizon takimin me kryetarët e Komunave të Republikës së Kosovës me qëllim të informimit të komunave lidhur me këtë programin për Zhvillim Rajonal dhe mundësit e zhvillimit socio- ekonomik rajonal. (Ndërtesa e Qeverisë, salla e takimeve P-38 në, ora 13:30) 

- Mbahet mbledhja për themelimin e komisionit për bashkëpunim ndërkombëtar dhe kordinim vendor në fushën e Shkencës së Astronomisë në kuadër të Asociacionit për Mbështetjen e Arsimit dhe Aftësimit Profesional të Republikës së Kosovës. (Ministria e Arsimit, Shkencës dhe Teknologjisë, ora 15:00)