23 Shtator 2017

Kosova duhet të ketë prioritet arsimin edhe më tutje

Prishtinë, 19 qershor - Ministri i Arsimit, Shkencës dhe  Teknologjisë, Arsim Bajrami mori pjesë në konferencën regjionale “Roli i arsimit të lartë në shoqëritë demokratike”, në të cilën po merr pjesë një delegacion nga Universiteti James Medison, i kryesuar nga rektori, Jonathan R. Alger.

Në këtë Konferencë u fol për rolin e arsimit të lartë në transformimet sociale dhe politike, në veçanti në shoqëritë në tranzicion.

Me këtë rast, ministri Bajrami theksoi rëndësinë e arsimit të lartë në zhvillimin ekonomik të vendit dhe në demokratizimin e shoqërisë, ndërsa tha se Kosova duhet të ketë prioritet arsimin edhe më tutje, në mënyrë që të krijojë kuadro me shkathtësi dhe kompetenca jo vetëm për tregun kosovar, por edhe më gjerë.

Ministri përmendi tri sfida kryesore në zhvillimin e arsimit të lartë. Si sfidë kryesore ai theksoi ngritjen e cilësisë, sepse theksoi se vetëm në këtë mënyrë do të rritet roli dhe fuqia e universiteteve që për rezultat do të ketë ngritjen e zhvillimit ekonomik dhe zhvillimin e shoqërisë në përgjithësi.

Si sfida tjera, ministri Bajrami përmendi orientimin strategjik të arsimit të lartë drejt nevojave të tregut të punës, si dhe mënyrën se si do të bëhet financimi në arsimin e lartë.

Ministri Bajrami u ndal edhe të bashkëpunimi me universitetet amerikane, ndërsa theksoi se deri më tani 185 studentë kosovarë janë dërguar për studime master në universitete të njohura amerikane përmes programit të Lidershipit të Transformuar.

Ndërsa, Ministri përmendi në veçanti bashkëpunimin që Kosova ka me Universitetin “James Madison”, me të cilin ka edhe Marrëveshje Bashkëpunimi, nga e cila universitetet kosovare do të përfitojnë edhe më tutje nga përvoja amerikane në arsimin e lartë.

Rektori i James Madison University, z. Jonathan R. Alger theksoi se, Kosova ka mundësi të shkëlqyshme që të fokusohet në shfrytëzimin e potancialit që ka, duke qenë se ka një popullsi të re. Alger tha se është çështje tejet e rëndësishme që t’u mundësohet të gjithë individëve të shfrytëzojnë potencialin e plotë që kanë.

Kalendari

Ngjarjet e datës 23 Shtator 2017 - Universiteti “Kadri Zeka” bashkorganizator i manifestimit tradicional kulturor, letrar e shkencor “Takimet e Dom Mikelit”. (Stubëll të Epërme të Vitisë, ora 9:00)

- Fakulteti i Komunikim Masiv i Kolegji AAB në bashkëpunim me Departamentin e Gazetarisë dhe Komunikimit - FHF - Universiteti i Tiranës, Università per Stranieri di Perugia, Itali, Departamentin e Letërsisë dhe Gazetarisë - Universiteti i Elbasanit, Departamentin e Komunikimit - Universiteti Bedër-Tiranë, School of Journalism and Public Relations, Shkup dhe Institute of Communication Studies - Shkup, organizojnë Konferencën Shkencore Ndërkombëtare “Historia e medias dhe transformimet mediatike”. (Teatrin AAB “Faruk Begolli” të Kolegjit AAB, ora 10:30)

- Nën përkujdesje të kryetarit të Komunës së Pejës, Gazmend Muhaxheri organizohet Akademi Përkujtimore kushtuar luftëtarëve të lirisë, Sebahate Tolaj e Isuf Haklaj. (Amfiteatri i qytetit ‘Istref Begolli’ në Pejë, ora 11:00)

- Komuna e Pjese do të bëj zbulimi i lapidarit të luftëtarëve të lirisë, Sebahate Tolaj e Isuf Haklaj. (Para objektit të policisë së Kosovës në Pejë, ora 12:00)

- Në kuadër të Simpoziumit Ndërkombëtar te Shkencave Shëndetësore mbahet Workshopi me ekspert vendor dhe të huaj i organizuar nga nga Kolegji Heimerer dhe Instituti i Evropës Juglindore për Politika Shëndetësore dhe Sociale. (Swiss Diamond Hotel, ora 13:00)
 
- Pas identifikimit të trupit të pa jetë të Dëshmorit të Kombit Kapllan Ahmeti, SHFD e UÇK - së në Bashkëpunim me Kuvendin Komunal të Skenderajit, organizojn ceremonin e rivarrimit të dëshmorit të kombit Kapllan Ahmeti. (Varrezat e dëshmorëve në fshatin Radishevë, Skenderaj, ora 15:00)

- Federata e Paqes Universale organizon konferencën ndërkombëtare me temë “Kultura dhe Paqja në Ballkan- Roli i Parlamentarëve“. (Kuvendi i Kosovës, salla 506, ora 15:00)




Ngjarjet e fushatës zgjedhore

- Lidhja Demokratike e Kosovës Dega në Prizren, mban Konferencë për Medie. (Zyrat e LDK-së te Shadërvani në Prizren, ora 11:00)

- Kandidati i LDK-së për kryetar komune në Mitrovicë, Safet Kamberi do ta shpalosë programin qeverisës për qytetarët dhe prezantimin e kandidatëve për Asamble Komunale. (Sheshi afër zyrave të LDK-së në Mitrovicë, ora 13:00)

- Kryetari i Komunës së Prishtinës, Shpend Ahmeti, mban konferencë për media ku do të flet për një nga projektet e radhës për Prishtinën. (Zyrët e Lëvizjes Vetëvendosje! në lagjen Arbëria, ora 14:00)

- Aleanca per Ardhmërinë e Kosovës mban manifestimin qendror të hapjes së fushatës për zgjedhjet lokale të 22 Tetorit 2017.  (Salla “1 Tetori” në Prishtinë, ora 14:00)

- Kryetari i Partisë Demokratike të Kosovës, Kadri Veseli do të jetë prezentë në Ferizaj ku do të merr pjesë në tubimin fushatës për zgjedhjet lokale 2017. (Selia e degës së PDK-së në Ferizaj, ora 15:00)

- Partia Demokratike e Kosovës mban takim zgjedhorë në fshatin Rakaj të Ferizajt. (Fshati Rakaj, ora 16:00)

- Lidhja Demokratike e Kosovës shpalosë Platformën për Zhvillim Ekonomik Lokal. (Hotel International në Prishtinë, ora 17:00)

- Lëvizja Vetëvendosje mban tubimin zgjedhor të radhës, në qytetin e Gjilanit. (Teatri i Qytetit, ora 17:00)

- Partia Demokratike e Kosovës mban takim zgjedhorë në fshatin Komogllavë të Ferizajt. (Fshati Komogllavë, ora 17:00)

- Gruaja Demokratike në Gjakovë organizon manifestimin solemnë me rastin e prezantimit të kandidateve femra të cilat garojnë në listen për Asamble Komunale në Gjakove nga Partia Demokratike e Kosovës. (Hotel Pashtriku në Gjakovë, ora 17:00) 

- Partia Demokratike e Kosovës mban takim zgjedhorë me qytetarë të Ferizajt. (Restaurant “Fitorja”, ora 19:00)