25 Nëntor 2017

Universiteti “Isa Boletini” bashkëpunon me kompaninë “Ferronikel”

Prishtinë, 21 prill - Studentët dhe mësimdhënësit e Universitetit “Isa Boletini” në Mitrovicë, tash e tutje do të mund të shfrytëzojnë kapacitetet e kompanisë “Ferronikel” në Drenas për punën e tyre praktike dhe kërkimore.

Kjo është bërë e mundur pas nënshkrimit të një marrëveshje bashkëpunimi ndërmjet Universitetit “Isa Boletini”  dhe “Ferronikelit”, të nënshkruar nga rektori, Alush Musaj, dekani i Fakultetit të Gjeoshkencave, Naser Peci si dhe drejtori gjeneral i “Ferronikelit”, Miltiadis Tragakis.

Gjatë vizitës në këtë kompani, rektori Musaj dhe dekani Peci, biseduan me drejtuesit e “Ferronikelit” për rëndësinë që ka për studentët e Gjeoshkencave, bashkëpunimi me ndërmarrjet private dhe ato publike.

Ata e vlerësuan gatishmërinë e “Ferronikelit” për mundësinë e ofruar, e cila do të ndikoj pozivitisht për punën  praktike dhe kërkimore të studentëve, por edhe mësimdhënësve.

Rektori Musaj, theksoi se janë duke i dhënë rëndësi të posaçme bashkëpunimit me kompanitë private, por edhe ato publike në vend, duke pasur parasysh karakterin teknik të programeve që ofrohen në Universitetin “Isa Boletini” në Mitrovicë, ku pjesa praktike ka një rëndësi të madhe. “Ofrimi i Universitetit me industrinë është një imperativ i kohës, prandaj jemi duke punuar shumë në këtë drejtim”, tha ai.

Universiteti “Isa Boletini”, ka marrëveshje bashkëpunimi me shumicën e ndërmarrjeve publike dhe private në vend, duke bërë të mundur që studentët të kryejnë pjesën praktike.     

 
 

Kalendari

Ngjarjet e datës 25 Nëntor 2017 - Komuna e Istogut për nder të Ditës së Flamurit Kombëtar do të organizoj festivalin e fëmijëve “Fëmijët Këndojnë”. (Shtëpia e kulturës në, ora 15:00)
 
- Lëvizja Vetëvendosje mban konferencë për media. (Zyrët e Lëvizjes Vetëvendosje, ora 13:00)

- Oda Ekonomike e Kosovës organizon takim me Ministrin e Financave të Republikës së Kosovës,  Bedri Hamza për të diskutuar rreth pakos së re fiskale, raportit të Bankës Botërore, rishikim të buxhetit si dhe buxheti për vitin 2018. (Salla e konferencave Orion, ora 13:30)

- Kryeministri Ramush Haradinaj merr pjesë në ceremoninë e ndarjes së Çmimit “Hasan Prishtina” për gazetarin Marin Mema, të cilin e ndanë Shoqata për Kthimin e Shqiptarëve të Shpërngulur nga Trojet e Veta. (Sheshi 21, ora 18:30)

- Ushtruesja e detyrës së drejtorit të misionit të USAID-it Lisa Magno do të flasë në hapjen e Forumit Ekonomik të Diasporës Shqiptare i cili mbahet në Kosovë. (Hoteli Emerald, ora 19:00)

- Ambasada Gjermane në Prishtinë organizon mbrëmje muzikore të zhanrit jazz me artistët gjermanë të grupit "Casimir Jazz Trio". (Mitrovica Social Club në Mitrovicë, ora 19:00)