22 Maj 2018

Themelohet Qendra Informative e Barnave

Prishtinë, 15 korrik - Në Dekanatin e Fakultetit të Mjekësisë, është nënshkruar Marrëveshja e  bashkëpunimi ndërmjet  Fakultetit të Mjekësisë të Universitetit të Prishtinës “Hasan Prishtina” dhe Shërbimit Spitalor Klinik Universitar i Kosovës, përkatësisht Qendrës Klinike Universitare të Kosovës për pilotimin dhe themelimin e Qendrës Informative të Barnave (QIB).

Marrëveshjen e nënshkruan dekanja e Fakultetit të Mjekësisë, Prof. Dr. Suazana Manxhuka-Kërliu dhe Dr. Curr Gjocaj, drejtori i Përgjithshëm i SHSKUK, të njëjtën do ta nënshkruaj edhe Rektori i Universitarit të Prishtinës “ Hasan Prishtina” Prof.dr. Marjan Demaj.

Drejtori i Përgjithshëm i SHSKUK-së, dr. Curr Gjocaj, e ka konsideruar shumë të rëndësishëm për SHSKUK, nënshkrimin e marrëveshjes, pasi që Qendra Informative e Barnave do të konsiderohet si pjesë përbërëse e Shërbimit Farmaceutik të QKUK/SHSKUK-së dhe Degës së Farmacisë të Fakultetit të Mjekësisë.

Poashtu, edhe Dekanja Manxhuka- Kërliu, ka vlerësuar këtë marrëveshje duke theksuar se pjesa akademike, profesorët dhe asistentët e Fakultetit të Mjekësisë do të kontribuojnë përmes Katedrës së Farmacisë në avancimin e kësaj Qendre Informative.

Me rastin e nënshkrimit të marrëveshje, u tha se qëllimet kyçe të QIB do të jenë të fokusuara rreth ngritjes së efikasitetit të terapisë mendikamentoze, përmirësimi i nivelit të sigurisë së barnave dhe parandalimin e manifestimit të efekteve anësore, përmirësimit të përdorimit dhe përshkrimit racional të barnave, shmangies së gabimeve me barna dhe minimizimit të hospitalizimeve nga barnat.

Dekanja Manxhuka-Kërliu dhe drejtori Gjocaj, mes tjerash shpjeguan se  funksioni kyç i QIB-së do të jetë në edukimin dhe dhënien e këshillave profesionale për studentët, stafin mjekësor dhe për pacientët në QKUK/SHSUK, në lidhje me barnat, në varësi të rezultateve nga pilotimi. Gradualisht, me zhvillimin e kuadrit të QIB-së, funksioni mund të zgjerohet edhe në dhënien e informatave për trajtimin e personave që manifestojnë shenja të intoksikimeve medikamentoze, gjithnjë me miratimin paraprak nga Drejtoria e Përgjithshme e SHSKUK-së dhe Dekanati i Fakultetit të Mjekësisë.

Marrëveshja parasheh edhe funksionet tjera që parashihen të ndërmerren nga QIB e që janë të ndërlidhura ngushtë me zhvillimin kadroviko-profesional dhe infrastrukturorë të QIB-së. QIB do jetë ngushtë e lidhur edhe me procesin mësimorë të praktikës së studentëve të Degës së Farmacisë në Fakultetin e Mjekësisë.

Në marrëveshje, po ashtu theksohet se QIB me miratimin paraprak nga Shërbimi Spitalor Klinik dhe Universitar i Kosovës dhe Fakulteti i Mjekësisë – UP do të mund të bashkëpunojë me Ministrinë e Shëndetësisë, Agjencinë e Kosovës për Produkte dhe Pajisje Medicinale dhe me institucionet relevante si dhe organizatat dhe Odat që përfaqësojnë profesionistët shëndetësorë në Kosovë.

Tutje, në tekstin e marrëveshjes sqarohet se iniciativa e pilotimit të QIB ka si qëllim themelimin në të ardhmen të QIB-së duke marrë parasysh rëndësinë e një qendre të tillë për Kosovën si dhe duke  pasur parasysh kapacitetet ekzistuese profesionale përbrenda Fakultetit të Mjekësisë dhe QKUK/SHSUK– së.

Duke sqaruar përbërjen e QIB, në marrëveshje thuhet se përbëhet nga radhët e stafit profesional dhe akademik me ekspertizë relevante për QIB nga Shërbimi Farmaceutik i QKUK/SHSUK-së dhe nga Katedra e Farmacisë, FM/UP. Marrëveshja parasheh mundësi të rishikimit të këtij pilotimi pas një periudhe 6 mujore dhe jo më shumë se 12 muaj.

Periudha e pilotimit të QIB do të fokusohet edhe në zhvillimin të kuadrove  dhe infrastrukturës së kësaj qendre duke përfshirë edhe mundësitë e vendosjes së bashkëpunimit eventual me qendrat relevante si motra ndërkombëtare. Periudhës së pilotimit do t’i paraprijë zyrtarizimi i një Grupi Koordinues për pilotimin e QIB-së me anëtarë të deleguar nga QKUK/SHSKUK dhe Fakulteti i Mjekësisë.

Grupi Koordinues  i QIB-së do t’i raportoj njëkohësisht Drejtorisë së Përgjithshme të SHSKUK–së dhe Dekanatit të Fakultetit të Mjekësisë. Pas mbarimit të periudhës së pilotimit të QIB-së do të bëhet rishikimi i arsyeshmërisë, qëndrueshmërisë profesionale - kadrovike e financiare të QIB dhe do të dilet me rekomandime konkrete për Drejtorinë e Përgjithshme të QKUK/SHSKUK-së dhe Dekanatin e FM/UP.

Grupi Koordinues (QIB) do të raportoj në baza periodike për Drejtorinë e Përgjithshme të QKUK/SHSKUK-së dhe Dekanatin e Fakultetit të Mjekësisë. 

Kalendari

Ngjarjet e datës 22 Maj 2018 - Ministri i Arsimit, Shkencës dhe Teknologjisë, Shyqiri Bytyqi, do të vizitojë komunën e Kaçanikut, ku do të takohet me kryetarin e Komunës, Besim Ilazi. (Zyra e kryetarit Ilazi, ora 9:00)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë shkollën fillore dhe të mesme të ulët “Jusuf Gërvalla” në Biqec. (Objekti i shkollës në Biqec, ora 9:45)

- Instituti për Politika Zhvillimore organizon tryezën ”Sistemi Pensional në Kosovë: sfidat dhe mundësitë”. (Hotel Sirius, ora 10:00)

- Në kuadër të kampanjës “Drejtësia dhe biznesi” Ministri i Drejtësisë, Abelard Tahiri, së bashku me përfaqësues nga KIESA dhe Oda Ekonomike Amerikane, do të takojnë bizneset nga rajoni i Mitrovicës. (Hotel Palace në Mitrovicë, ora 10:00)

- Mbahet mbledhja e Komisionit për Mbikëqyrjen e Financave Publike në të cilen do të behët shqyrtimi i raportit të Auditimit për PVF-të e Autoritetit të Aviacionit Civil, shqyrtimi i raportit të Auditimit për PVF-të e Organit Shqyrtues të Prokurimit, etj. (Ndërtesa e Kuvendit, salla N 303, ora 10:00)

- Komisioni për të Drejtat e Njeriut, Barazi, Gjinore, Persona të Pagjetur dhe Peticione, nesër, më 22 maj 2018, viziton Burgun e Dubravës, me rastin e shënimit të përvjetorit të masakrës së vitit 1999. (Dubravë​, ora 10:15)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë shkollën e mesme “Feriz Guri dhe Vëllezërit Qaka”. (Objekti i shkollës, ora 10:30)

- Oda Ekonomike e Kosovës publikon studimin “Bottleneck” me qëllim identifikimin e barrierave që pengojnë të bërit biznes në vendin tonë. (Oda Ekonomike e Kosovës, ora 11:00)

- Nënshkruhet memorandum bashkëpunimi mes MKRS-së dhe OJQ George Williams Youth Association in Kosovo me qëllim financimi në projektin “Qendra e edukimit jo-formal për rini” me lokacion në fshatin Pjetërshan në komunën e Gjakovës. (Ministria e Kultures, Rinise dhe Sportit, ora 11:00)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilen do të behët shqyrtimi i Raportit vjetor të Komisionit të Pavarur për Miniera dhe Minerale, shqyrtimi i Projektligjit për Masat Mbrojtëse në Importe, etj. (Ndërtesa e Kuvendit, salla N204, ora 11:00)

- Me rastin e shënimit të 19-vjetorit të masakrës së Dubravës bëhen homazhe në nderim të burgosurve të vrarë në burgun e Dubravës nga forcat paramilitare serbe. (Dubravë, ora 11:00)

- Kryetari i Gjilanit, Lutfi Haziri, pret në takim futbollistët e FC Drita, të cilët të dielën u shpallën kampion. (Zyra e Kryetarit, objekti i ish-gjykatës, ora 12:00)

- Ambasadori i Republikës së Shqipërisë në  Kosovë, Qemal Minxhozi viziton komunën e Dragashit, ku do të pritet nga kryetari i komunës, z. Shaban Shabani (Komuna e Dragashit, ora 12:30)

-  Ministri për Punë dhe Mirëqenie Sociale, Skender Reçica dhe Ministri për Komunitete dhe Kthim, Dalibor Jetviq raportojn para Komisionit për të Drejtat, Interesat e Komuniteteve dhe për Kthim lidhur me implementimin e projektit për ndërtimin e shtëpive për komunitetin joshumicë. (Ndërtesa e Kuvendit, salla N 303, ora 13:00)

- Ministrja e Mjedisit dhe Planifikimit Hapësinor Albena Reshitaj do të vizitojë komunën e Vitisë, ku bashkë me kryetarin e komunës do të nënshkruajnë një memorandum bashkëpunimi për realizimin e një projekti në fushën e mjedisit. (Objekti i komunës së Vitisë, ora 13:00)

- Zëvendëskryeministri i Kosovës, Fatmir Limaj bashkë me shefen e Zyrës së BE-së në Kosovë, Natalyia Apostolova dhe Ambasadorin e Republikës së Shqipërisë në Kosovë, Qemal Minxhozi, marrin pjesë më inaugurimin e rrugës Krushevë-Shishtavec, e financuar nga BE.. (Krushevë, Komuna Dragashit, ora 15:00)

- Shefja e Zyrës së BE-së në Kosovë, Natalia Apostolova së bashku me autoritetet e Kosovës do të përurojnë rrugën e ndërtuar rishtas midis Krushevës dhe Shishtavecit, që lidh Kosovën dhe Shqipërinë, të financuar nga Bashkimi Evropian. (Vendkalimi kufitar mes fshtarave Krushevë dhe Shishtavec Komuna e Dragashit, ora 15:00)

- Drejtori i misionit të USAID-it Xhejms Houp do të flasë me rastin e ceremonisë zyrtare që do të shënojë partneritetin me Cacttus Education. (Cacttus Education, rr. Bashkim Fehmiu. Arberia 3, BC2/11, nr. 4,  ora 16:45)

- Dega e OVL te UÇK-së në Kaçanik në bashkëpunim me SHIL, SHFD, institucionet komunale organizon orë përkujtimore me rastin e 19 të rënies heroike të dëshmorëve: Danush Kurtaj, Mejdi Dalloshi, Tefik Raka, Avdylgafurr Luma dhe Suad Brava, të rënë në Masakrën e Dubravës së Istogut me 22 maj ’99. (Shtëpia e Kulturës “Xheladin Kurtaj” në Kaçanik, ora 17:00)

- Bëhen homazhe me rastin e 19 të rënies heroike të dëshmorëve të rënë në Masakrën e Dubravës së Istogut me 22 maj ’99. (Varrezat e dëshmorëve dhe martirëve, ora 18:30)