13 Dhjetor 2017

KFOR-it Italian dhuron donacion për SHSKUK-në, në vlerë 70 mijë euro

Prishtinë, 12 maj - Barnatorja Qendrore e Qendrës Klinike  Universitare  të Kosovës, përkatësisht e Shërbimit Spitalor dhe Klinik Universitar, ka pranuar pranuar  donacionin e tretë të radhës nga grupi shumëkombësh perëndim (MNBG-W)/kontingjenti Italian, barin Ibuprofen Plv (Buscofen) në sasi prej 77000 njësi  i dedikuar Klinikave të QKUK-së dhe Spitaleve të Përgjithshme në  Gjakovë, Gjilan, Prizren, Pejë, Ferizaj e Mitrovicë.

Donacioni është ofruar nga Organizata joqeveritare humanitare “Perigieo onlus” nga Macerata e Italisë,  përmes zyrtarëve të lartë të KFOR-it Italian.

 Me rastin e dorëzim-pranimit të këtij donacioni, drejtori i përgjithshëm i SHSKUK-së, dr. Curr Gjocaj, falënderoj  organizatën italiane dhe kontingjentin italian të KFOR-it për donacionin e dhënë.  “ Në emër të profesionistëve tanë shëndetësorë, pacientëve që trajtohen në shërbimet e kujdesit shëndetësor në kuadër të SHSKUK-së dhe menaxhmentit më të lartë administrativ dhe atij vendimmarrës të SHSKUK-së,  ju falënderoj përzemërsisht në përkrahjen e vazhdueshme dhe donacionet e ofruara për të tretën herë më radhë nga OJQ “Perigieo onlus” në Macerata të Italisë përmes jush, respektivisht kontingjentit të KFOR-it Italian në Kosovë”, u  shpreh drejtori Gjocaj.

Sipas tij, ky është  shembulli më i mirë i bashkëpunimit  civilo- ushtarak.

 Kolonel Stefano IMPERIA, Komandanti i Komandës së Grupit shumëkombësh të betejës-Perëndim (MNBG-Ë) dhe Komandant i Kontingjentit italian të KFOR-it në Kosovë,  tha se është kënaqësi me qenë në këtë ceremoni.   “ Ky donacion është dhuruar falë shoqatës  Perigieo,   me të cilin kemi bashkëpunim si Ministri e Mbrojtjes së Italisë, në veçanti komanda jonë interne në Itali që është komandë superiore. Në këtë rast duhet të falënderojmë edhe aeronautikën  ushtarake italiane” u shpreh Komandant Imperia.

Ai theksoi se ishte kënaqësi të dhurohet donacioni një institucioni që është në favor të mirëqenies së qytetarëve, duke shtuar se  ne janë për të mirën  e qytetarëve për vazhdim të përmirësimit të gjitha kushteve.

Në anën tjetër, znj. Arijeta Stanovci,  Shefe e Barnatores Qendrore dhe koordinatore për çështje Farmaceutike në SHSKUK,  tha se vlen të theksohet në veçanti miqësia dhe dashuria e shprehur anekënd botës e  popullit italian për  Kosovën  dhe popullin tonë  dhe sensibilizimi i çështjes sonë nga  ky vend mik me ç’rast do t’i quaja miq të ditëve të vështira, dekadave më të rënda për popullin tonë, miq gjatë luftës së afërt dhe miq tani në paqe.  

“Lidhjet e ngushta, të përzemërta dhe shumë miqësore mes popullit Italian dhe popullit tonë janë dëshmuar me veprat  dhe  angazhimin e palodhshëm  të këtij vendi  në çështjen  e zgjidhjes së situatave më të vështira  për Kosovën  Në historinë e afërt të popullit shqiptar Italia dhe populli Italian kanë një vend  të pakontestueshëm dhe jashtëzakonisht meritor   për zhvillimin dhe zgjidhjen e çështjes së Kosovës” u shpreh znj. Stanovci.

Në ceremoni ishin prezentë edhe  Nënkoloneli Michele LO MONACO, zyrtar për medie në MNBG-W(Grupi shumëkombësh i betejës - Perëndim)  Kapiten Riccardo PACE, MNBG-W,  Shef i Shtabit të Bashkëpunimit Civilo-Ushtarak (CIMIC) - Kapiten Michele de LETTERIIS, Ndihmës Ushtarak i Komandantit të MNBG-W; Toger Dario GRIOLI, MNBG-W,  Zyrtar përgjegjës i ndërlidhjes në CIMIC.

Kalendari

Ngjarjet e datës 13 Dhjetor 2017

- Shoqata e Pediatërve dhe Shoqata e Obstetërve dhe Gjinekologëve të Kosvës organizojnë simpoziumin për skrining prental të anomalive të lindura të zmrës. (Hotel Emerald, ora 9:30)

- Presidenti i Republikës së Kosovës, Hashim Thaçi, merr pjesë në takimin e Ekipit Përgatitor për të Vërtetën dhe Pajtimin. (Hotel Swiss Diamond, ora 10:00)

- Ministria e Punëve të Brendshme do të organizojë takimin e përvitshëm me kryetarët e komunave të cilët janë edhe udhëheqësit e Këshillave Komunal për Siguri në Bashkësi. (Hotel Emerald, ora 10:00)

- Organizata “Amnesty International” prezanton raportin “Plagë që të djegin shpirtin: Dëmshpërblim për të mbijetuarit e përdhunimit gjatë luftës, por drejtësi s’ka akoma”. (Hotel Sirius, ora 10:00)

- Komisioni për Mbikëqyrjen e Financave Publike dhe Grupi për Studime Juridike dhe Politike organizojn Panelin Diskutues me temë “Sfidat e Financimit të Subjekteve Politike: Ku qëndron Kosova?”. (Qendra e konferencave Orion, ora 10:30)

- Mbahet mbledhje e Komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi në parim i Projektligjit për Trajtimin e ndërtimeve pa lej. (Ndërtesa e Kuvendit, salla N 225, ora 11:00 )

- Asociacioni i Gazetarëve të Kosovës bën publikimin e raportit “Paraja publike e shpenzuar në media”. (Qendra Kulturore dhe Informative të BE-së, ora 11:00)

- Mbahet mbledhje e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të diskutohet rreth sfidave kryesore legjislative dhe politikave lidhur me procesin e MSA-së, me Projektin e Binjakzimit. (Ndërtesa e Kuvendit, salla N 303, ora 11:00)

- Mbahet mbledhje e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të behët shqyrtimi i Projektligjit për Buxhet për vitin 2018 për ministritë e linjës. (Ndërtesa e Kuvendit, salla N204, ora 11:00)

- Organizata ÇOHU! dhe Qendra Kosovare për Gazetari Hulumtuese-Preportr mbajnë konferencën për media ku do të prezantohet hulumtimi mbi patronazhin politik në Kosovë, përkatësisht punësimet e zyrtarëve në pozita të larta vendimmarrëse të cilët kanë lidhje me partitë politike. (Hotel Sirius, ora 11:30)

- Anëtarët e sindikatës së Korporatës Energjetike të Kosovës dhe punëmarrësit tjerë të KEK-ut protestojnë me qëllim mbrojtjen e vendeve të punës për shkak tëmos realizimit te zhvendosjes se zones 52 ha. nga ana e Qeverise dhe menaxhmentit te KEK-ut dhe shpetimi i vendit nga kolapsi energjetik! (Para Qeverisë së Kosovës, ora 12:00)

- Instituti Demokratik i Kosovës në bashkëpunim me Qendrën për Paqe dhe Tolerancë  organizon diskutimin publik “Pritjet e serbëve të Kosovës për dialogun Kosovë-Serbi”, pjesë e së cilit janë deputetë të Kuvendit të Kosovës dhe qytetarë. (Media Center në Çagllavicë, ora 13:00)

- Ministria e Tregtisë dhe Industrisë do të nënshkruan marrëveshje për promovimin e punësimit në sektorin privat në mes MTI-së dhe PPSE-së. (Ndërtesa e MTI-së, ora 13:00)

- Open Data Kosovo dhe Girls Coding Kosova organizojn Orën e Kodimit ne te cilen do të kenë mundësi të kodojnë lojë, programim në telefon, apo edhe Robotikë ku e pranishme do te jete edhe ish-Presidentja e shtetit Znj. Atifete Jahjaga. (Rr. Ganimete Tërbeshi nr. 26A, Aktash, 50 metra larg nga ndërtesës së OSCE, ora 15:30)

- Komuna e Prishtnës organizon hapjen e Tregut të Fundvitit (Sheshi "Zahir Pajaziti", ora 17:00)