18 Janar 2018

Hapet zyra e të bioetikës mjekësore në Kosovë

Prishtinë, 20 prill - Në prani, të Prof. Amnon Carmi, udhëheqës i UNESCO (Haifa) Chair in Bioethics, në Klinikën Infektive të Qendrës Klinike Universitare të Kosovës, në kuadër të Shërbimit Spitalor Klinik Universitar të Kosovës (SHSKUK),  është hapur zyra e  njësisë së bioetikës mjekësore.

Në këtë hapje, prof. Carminin, e shoqëronin drejtori i përgjithshëm i SHSKUK-së, dr. Curr Gjocaj, dr. Miftar Zenelaj, udhëheqës i kësaj zyre,  dy zëvendësministrat e shëndetësisë, Dr. Izet Sadiku dhe dr. Rrustem Musa, drejtorë të klinikave, institucioneve tjera shëndetësore dhe profesionistëve mjekësor.

Prof. Carmin, tha se ndjehet i lumtur që ka rastin të jetë në Kosovë e cila tashmë është anëtare e barabartë e Unesco (Haifa) Chair in Bioethics.

Në emër të SHSKUK-së, drejtori Gjocaj, falënderoj  prof. Carmin për gjithë kontributin që ka dhënë për pranimin e Kosovës në këtë organizatë shumë të rëndësishme dhe për praninë e tij në Kosovë. “ Ju falënderoj që përkundër angazhimeve që keni në gjithë botën keni vendosur të na respektoni dhe të vizitoni Kosovën, ju keni dhënë kontribut vendimtarë për Kosovë me të drejtat të barabarta”, u shpreh ai.

Në anën  tjetër, duke folur për rëndësinë  hapjes së kësaj zyre, udhëheqësi i saj, dr. Miftar Zenelaj, tha se tashmë edhe në Kosovë ka një zyrë e cila do të merret dhe do të trajtoj çështjen e bioetikës mjekësore.

Përkrahje dhe falënderime për prof. Carmin dhe hapjen e kësaj zyre, bëri edhe dr. Izet Sadiku, zv. Ministër i Shëndetësisë, i cili tha se përkrahje nuk do të mungoj për këtë zyrë në të mirë të trajtimit të çështjeve të bioetikës në mjekësi.

Prof. Ass, Kreshnik Hoti, prodekan për çështje akademike në Fakultetin e Mjekësisë, tha se në kuadër të kurrikulës dhe lëndëve në Fakultetin e Mjekësisë, mësohet edhe për bioetikën mjekësore dhe hulumtimet përmes kësaj zyre do të ndihmojnë Fakultetin e Mjekësisë.

Në fund të ceremonisë, prof. Carmi, mbajti ligjëratë për të pranishmit në amfitetatirn e Telemjekësisë dhe u përgjigj në interesimin e profesionistëve shëndetësore dhe përfaqësueseve të medieve.  Kjo ligjëratë u transmetua edhe direkt në njësitë e telemjekësisë në Spitalet e Përgjithshme.   

Republika e Kosovës është anëtare e barabartë në mesin 124 shteteve të botës që nga muaji gushti i vitit 2015 në UNESCO Chair on Bioethics, kjo është një organizatë ndërkombëtare nën ombrellën e UNESCO-së, e themeluar në vitin 2001 dhe merret më edukimin etik në arsimin e ultë, mesëm dhe në arsimin e lartë.

Gjithashtu, kjo organizatë ka mbajtur 12 konferenca ndërkombëtare të Bioetikes, Etikes Mjekësore dhe Ligji për Shëndetësi, ku janë nxjerrë shumë konventa dhe rezoluta ndërkombëtare mbi respektimin e normave etike dhe ligjore në institucionet shëndetësore dhe arsimore.

Kalendari

Ngjarjet e datës 18 Janar 2018 - Ministri i Arsimit,Shkencës dhe Teknologjisë, Shyqiri Bytyqi do të zhvilloi një takim me kryetarin e komunës Gazmend Muhaxheri. (Rezidenca e kryetarit Muhaxheri në Pejë, ora 9:30)

- Mbahet mbledhja e Kuvendit Komunal të Prishtinës, ku do të formohet Komiteti për Politikë dhe Financa si dhe do të caktohen anëtarët e komisioneve të aksionarëve nëpër ndërmarrjet publike komunale. (Objekti i Komunës, ora 10:00)

- Demokracia Plus në bashkëpunim me CoDe organizon tryezën me temë “Roli i Grupeve Jo formale të Grave në Politik Bërje – Shkëmbimi i përvojave në mes të grupeve jo formale të grave në nivel lokal dhe institucioneve qendrore”. (Hotel Sirius, ora 10:00)

- Koalicioni i OJQ–ve për Mbrojtjen e Fëmijëve në Kosovë - KOMF organizon konferencën e lançimit kombëtar të Indeksit për Mbrojtjen e Fëmijës 2.0. (Hotel Sirius, ora 10:00)

- Hapen punimet e punëtorisë me temë  “ Profilizimi i mësimdhënësve të klasave  I -V ”,  të organizuar nga MAShT dhe ku do të jenë të pranishëm drejtorët e Drejtorive Komunale të Arsimit në rajonin e Pejës  si dhe të gjithë drejtorët e Sh.F.M.U-ve së bashku me dy mësimdhënës të klasave  I –V dhe nga një mësimdhënës i shkollave të fshatrave. (Shkolla fillore “Shaban Spahija “ në Pejë, ora 10:00)

- Ministri i Infsrastrukturës, Pal Lekaj, do të zhvillojë vizitë inspektuese në Autostradën “Arbën Xhaferi”. (Autostrada në fshatin Doganaj, ora 10:30)

- Në kuadër të lansimit të programit Zhvillim Rajonal, Ministria për Zhvillim Rajonal,  nesër më 18 janar, 2018,  nga ora 13:30, organizon takimin me kryetarët e Komunave të Republikës së Kosovës me qëllim të informimit të komunave lidhur me këtë programin për Zhvillim Rajonal dhe mundësit e zhvillimit socio- ekonomik rajonal. (Ndërtesa e Qeverisë, salla e takimeve P-38 në, ora 13:30) 

- Mbahet mbledhja për themelimin e komisionit për bashkëpunim ndërkombëtar dhe kordinim vendor në fushën e Shkencës së Astronomisë në kuadër të Asociacionit për Mbështetjen e Arsimit dhe Aftësimit Profesional të Republikës së Kosovës. (Ministria e Arsimit, Shkencës dhe Teknologjisë, ora 15:00)