26 Maj 2018

Ahmetaj: Demarkacioni mbetet kusht i vetëm për vizat

Prishtinë, 21 prill - Ministrja e Integrimit Evropian , Mimoza Ahmetaj ka thënë që çështja e Demarkacionit me Malin e Zi  vazhdon të jetë kushti i vetëm për liberalizimin e vizave të cilën Kosova duhet ta plotësojë në mënyrë që qytetarët e saj të lëvizin lirshëm, njofton Klan Kosova.

“Deri tani me vlerësimet e fundit thuhet se kemi shënuar progres dhe ajo që mbetet është çështja e Demarkacionit të plotësohet dhe t’i mbushim kriteret e kërkuara nga ne

“Momentin që qeveria vendos Demarkacioni kalon në parlament…Demarkacioni mbetet kriter që duhet plotësuar”.

Ahmetaj e ftuar në Ora e Fundit në Klan Kosova ka thënë që është rikonfirmuar edhe nga përfaqësuesit e lartë të BE-së që momentin që kalon Demarkacioni bëhet liberalizimi i vizave.

“Në takimet e vazhdueshme që kemi pasur dhe vizita e fundit e përfaqësuese së lartë, Mogherinit e ka konfirmuar që Kosova ka shënuar progres në luftimin e korrupsionit dhe krimit”.

“Ky është një kriter  që në vazhdimësi duhet të luftohet jo vetëm për liberalizimin e vizave por edhe për mirëqenien e shtetit tonë dhe qytetarëve tanë”.

“Nga zotimet që përfaqësuesit e lartë është rikonfirmuar që momentin që kalon Demarkacioni”.

Kalendari

Ngjarjet e datës 26 Maj 2018

- Komisioni për Rekrutim i Këshillit Gjyqësor të Kosovës organizon mbajtjen e testit kualifikues për kandidatet të cilët kanë aplikuar për pozitën e gjyqtarit në gjykatat Themelore të Kosovës. (Hapësirat e Akademisë Policore në Vushtrri, ora 9:00)

- Kryeministri i Republikës së Kosovës, Ramush Haradinaj, merr pjesë në “Lutjet e Mëngjesit” në kuadër të Takimit të Evropës Juglindore “Love Your Neighbor”, të organizuar nga Kuvendi i Republikës së Shqipërisë. (Hotel Plaza, Tiranë, ora 10:30)

- Instituti ATOMI organizon ceremonin e shpërbilimit të më të mirëve të Garës Ndërkombëtare të Matematikës Kangaro. (Salla e Kuqe të Fakultetit të Filologjisë të Universitetit të Prishtinës, ora 14:00)