19 Janar 2018

Partia e Drejtësisë fuqizon aktivitetin e saj në Lipjan

Prishtinë, 20 prill - Partia e Drejtësisë fuqizon aktivitetin e saj në degën e Lipjanit me mbajtjen e Kuvendit të jashtëzakonshëm zgjedhor me pjesëmarrjen e 75 delegatëve.

Në pajtim të plotë me Statutin e partisë si Kryetar i degës ne Lipjan u rizgjodhë asambleisti i PD-së në kuvendin komunal Xhavit Maholli, kryesia prej 13 anëtarëve dhe përfaqësuesit e degës në organet qendrore të partisë.

Në hapjen e kuvendit, nënkryetari i partisë dhe shefi i shtabit qendror zgjedhor të partisë Ardian Sejdiu tha se: “Ky kuvend i jashtëzakonshëm zgjedhor është rezultat i rrjedhave politike brenda PD-së, dhe padyshim është argument me vete që vërteton qëndrueshmërinë e PD-së pavarësisht sfidave.”

Ndërsa, i sapo rizgjedhuri kryetar i degës në Lipjan Xhavit Meholli, cili falënderoi të gjithë delegatët për ri-besimin e dhënë duke u zotuar se së pari para Zotit të Madhërishëm e pastaj para jush, se angazhimi im në realizimin e objektivave tona do të jetë i pakursyer.

“Synimi ynë për të ardhmen është përfaqësimi më i madh në asamble dhe atë së paku tre asambleist ku do të konkretizohej me marrjen e përgjegjësive të reja konkretisht në udhëheqje të drejtorive komunale. Rrugëtimi ynë nuk do të nisë nesër, ky rrugëtim ka filluar qysh kaherë, ne vetëm se do të vazhdojmë ta trasojmë atë së bashku me ju të nderuar delegatë”, u shpreh kryetari Maholli.

Në punimet e kuvendit mori pjesë edhe Kryetari i partisë Dr. Ferid Agani i cili në fjalën e tij theksoi se Partia e Drejtësisë është bastion i palëkundshëm i vlerave autoktone politike të qytetarëve të Kosovës me identitet të etabluar kombëtar, shpirtëror dhe Europian, dhe digë e pakapërcyeshme për përpjekjet ekstremiste politike mbi bazën nacionaliste ose fetare.

Kalendari

Ngjarjet e datës 19 Janar 2018

- Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi takohet me Koalicionin e OJQ-së për Integritet dhe Transparencë në Universitet. (Ndërtesa e Kuvendit, salla S-II, ora 10:00)

- Ministri i Zhvillimit Ekonomik, Valdrin Lluka do të mbajë konferencë për media, me ç’rast do të publikohen kontratat komerciale të nënshkruara nga Qeveria e Kosovës dhe investitori ContourGlobal për projektin e TC Kosova e Re. (Mjediset e MZHE-së, ora 10:00)

- Mbahet mbledhje e Komisionit për Mbikëqyrjen e Financave Publike në të cilën do të inicohet procedura për Auditimin e raporteve financiare të Subjekteve Politike, për vitin 2017, etj. (Ndërtesa e Kuvendit, salla  sallën N 303, ora 10:00)

- Mbahet seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, ora 10:00)

- Mbahet mbledhja e Komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet raporti për gjendjen e mjedisit, i ftuar kryeshefi i Agjencisë për mbrojtjen e mjedisit. (Ndërtesa e Kuvendit, salla N 302, ora 10:30

- Ministri i Drejtësisë, Abelard Tahiri,  do të vizitojë Burgun e Hapur në Smrekonicë. (Fshati Smrekonicë, magjistrala Prishtinë - Mitrovicë, ora 11:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të shqyrtohet Projektligji për Tatimin në Pronën e Paluejtshme, me raport amandamente të Komisionit funksional për Buxhet dhe Finanaca. (Ndërtesa e Kuvendit, salla N 303, ora 12:00)

- Kryetari i Komunës së Gjilanit, Lutfi Haziri, do të takoj zëvendësministrin e Diasporës, Xhavit Zariqi. (Zyra e kryetarit të Komunës së Gjilanit, ora 13:00)

 

- Kryeministri Ramush Haradinaj vizitë pune në Komunën e Junikut. (Ndërtesa e Komunës, ora 13:30)

- Nën organizimin e kryetarit të Komunës së Gjilanit, Lutfi Haziri, organizohet tryezë shkencore kushtuar figurës së Skënderbeut në 500-vjetorin e vdekjes, në të cilën pos kryetarit Lutfi Haziri, do të marrin pjesë edhe historianë e njohës së figurës së heroit. (Shkolla “Don Bosko”, në Gjilan, ora 14:00)

 

- Kryeministri Ramush Haradinaj vizitë pune në Komunën e Deçanit. (Ndërtesa e Komunës, ora 15:00)