18 Janar 2018

Abrashi: Industria e tekstilit pritet të punësojë mijëra punëkërkues

Prishtinë, 20 prill - Sot ministri i Punës dhe Mirëqenies Sociale, Arban Abrashi së bashku me Shoqatën e Kosovës për Marketing të Veshmbathjeve (KAMA) vizitoi disa nga kompanitë kosovare, prodhuese të tekstilit në vend.

Në Pejë ministri vizitoi kompaninë Artatex, e cila brenda një viti arriti të trefishojë numrin e punëtorëve dhe të zgjerohet edhe në lokacione tjera në vend.

Ndërsa në Gjakovë ministri Abrashi vizitoi kompaninë ‘Intertex Kosova’ e cila ka linja të prodhimit për mbulesa të makinave për firma botërore si ‘Volkswagen’, rroba pune për elektricistë dhe çanta lëkure për kompani evropiane me standardet më të larta.

Abrashi e përmbylli vizitën e tij në kompaninë e tekstilit ‘Creative’ që punëson rreth 70 punëtorë, dhe sot kreu eksportin e parë për në BE.

Pasi dëgjoi kërkesat dhe nevojat e këtyre kompanive, ministri Abrashi theksoi se industria e tekstilit ka potencial të jashtëzakonshëm për rritje që në vitet e ardhshme pritet të punësojë disa mijëra punëkërkues.

Përkrahja e MPMS-së për këtë industri do të vazhdojë të bëhet përmes masave aktive, si subvencionimi i pagave, praktika në punë dhe trajnimi në punë. Gjatë muajit maj MPMS do të lansojë ftesën për këto masa nga të cilat synohet të përfitojnë rreth 1000 punëkërkues.

 

Kalendari

Ngjarjet e datës 18 Janar 2018 - Ministri i Arsimit,Shkencës dhe Teknologjisë, Shyqiri Bytyqi do të zhvilloi një takim me kryetarin e komunës Gazmend Muhaxheri. (Rezidenca e kryetarit Muhaxheri në Pejë, ora 9:30)

- Mbahet mbledhja e Kuvendit Komunal të Prishtinës, ku do të formohet Komiteti për Politikë dhe Financa si dhe do të caktohen anëtarët e komisioneve të aksionarëve nëpër ndërmarrjet publike komunale. (Objekti i Komunës, ora 10:00)

- Demokracia Plus në bashkëpunim me CoDe organizon tryezën me temë “Roli i Grupeve Jo formale të Grave në Politik Bërje – Shkëmbimi i përvojave në mes të grupeve jo formale të grave në nivel lokal dhe institucioneve qendrore”. (Hotel Sirius, ora 10:00)

- Koalicioni i OJQ–ve për Mbrojtjen e Fëmijëve në Kosovë - KOMF organizon konferencën e lançimit kombëtar të Indeksit për Mbrojtjen e Fëmijës 2.0. (Hotel Sirius, ora 10:00)

- Hapen punimet e punëtorisë me temë  “ Profilizimi i mësimdhënësve të klasave  I -V ”,  të organizuar nga MAShT dhe ku do të jenë të pranishëm drejtorët e Drejtorive Komunale të Arsimit në rajonin e Pejës  si dhe të gjithë drejtorët e Sh.F.M.U-ve së bashku me dy mësimdhënës të klasave  I –V dhe nga një mësimdhënës i shkollave të fshatrave. (Shkolla fillore “Shaban Spahija “ në Pejë, ora 10:00)

- Ministri i Infsrastrukturës, Pal Lekaj, do të zhvillojë vizitë inspektuese në Autostradën “Arbën Xhaferi”. (Autostrada në fshatin Doganaj, ora 10:30)

- Në kuadër të lansimit të programit Zhvillim Rajonal, Ministria për Zhvillim Rajonal,  nesër më 18 janar, 2018,  nga ora 13:30, organizon takimin me kryetarët e Komunave të Republikës së Kosovës me qëllim të informimit të komunave lidhur me këtë programin për Zhvillim Rajonal dhe mundësit e zhvillimit socio- ekonomik rajonal. (Ndërtesa e Qeverisë, salla e takimeve P-38 në, ora 13:30) 

- Mbahet mbledhja për themelimin e komisionit për bashkëpunim ndërkombëtar dhe kordinim vendor në fushën e Shkencës së Astronomisë në kuadër të Asociacionit për Mbështetjen e Arsimit dhe Aftësimit Profesional të Republikës së Kosovës. (Ministria e Arsimit, Shkencës dhe Teknologjisë, ora 15:00)