13 Dhjetor 2017

Gjendja e përgjithshme për sigurinë kibernetike është stabile

Prishtinë, 17 maj - Këshillit Shtetëror  për Siguri Kibernetike të Republikës së Kosovës i udhëhequr nga zëvendësministri i Punëve të Brendshme, Behar Selimi vlerëson se gjendja e përgjithshme për sigurinë kibernetike në vend momentalisht është stabile.

Sipas raportimit të përfaqësuesve të institucioneve të Kosovës të cilët janë përgjegjës për sigurinë kibernetike si dhe përfaqësueseve të sektorit privat, që janë pjesë e këtij mekanizmi, sulmet kibernetike të ditëve të fundit nuk kanë depërtuar në sistemet kompjuterike në vendin tonë.

Ky vlerësim është bërë me rastin e mbledhjes urgjente të  këtij Këshilli duke pasur parasysh gjendjen e krijuar të sigurisë kibernetike botërore.

Megjithatë, nga ky takim u vlerësua se shqetësues mbetet fakti që sistemet e vjetra operative pa mbështetje nga përditësimet (updates) nga prodhuesi i tyre siç janë: Windows XP, Windows Vista, Windows 8, Windows Server 2003, Windows Server 2008 të  cilat janë pothuajse të pa mbrojtura nga të ashtuquajturat zero day attaks.

Këshilli  rekomandon institucionet, organizatat dhe individët të cilët ende nuk i kanë marrë masat parandaluese, të veprojnë në bazë të udhëzimeve të mëposhtme:

1. Sigurohuni që sistemi operativ (Windows) është i përditësuar;

2. Sigurohuni që të keni të përditësuar AntiVirus-in;

3. Bëni kujdes që të mos klikoni në linqe të dyshimta;

4. Bëni kujdes në shfletimin e web faqeve të pasigurta ose jo të besueshme;

5. Bëni kujdes nga mesazhet mashtruese që mund t’ju vijnë nëpërmjet postës elektronike, të cilat përdorin emërtime të ngjashme si p.sh facbook.com, PayPal, etj.

6. Përditësoni web shfletuesin me versionin e fundit.

Institucionet kryesore të Republikës se Kosovës që përkujdesen për sigurinë kibernetike, si dhe Agjencia e Shoqërisë së Informacionit, Policia e Kosovës dhe disa institucione tjera, kanë marrë masa parandaluese për t’u mbrojtur nga ky sulm.

Ky sulm kibernetik është shkaktuar nga virusi i ashtuquajtur “WannaCry Ransomware”. Nëse ky virus depërton në kompjuter, ai bën shifrimin (enkriptimin) e të dhënave, duke i bërë ato të palexueshme.

Në shumë vende të botës sistemet kompjuterike të tyre, janë duke u ballafaquar me sulme masive kibernetike. Deri tani janë sulmuar rrjetet kompjuterike të mbi 150 shtete të ndryshme dhe janë infektuar mbi 200 mijë kompjuterë.
 

Kalendari

Ngjarjet e datës 13 Dhjetor 2017

- Shoqata e Pediatërve dhe Shoqata e Obstetërve dhe Gjinekologëve të Kosvës organizojnë simpoziumin për skrining prental të anomalive të lindura të zmrës. (Hotel Emerald, ora 9:30)

- Presidenti i Republikës së Kosovës, Hashim Thaçi, merr pjesë në takimin e Ekipit Përgatitor për të Vërtetën dhe Pajtimin. (Hotel Swiss Diamond, ora 10:00)

- Ministria e Punëve të Brendshme do të organizojë takimin e përvitshëm me kryetarët e komunave të cilët janë edhe udhëheqësit e Këshillave Komunal për Siguri në Bashkësi. (Hotel Emerald, ora 10:00)

- Organizata “Amnesty International” prezanton raportin “Plagë që të djegin shpirtin: Dëmshpërblim për të mbijetuarit e përdhunimit gjatë luftës, por drejtësi s’ka akoma”. (Hotel Sirius, ora 10:00)

- Komisioni për Mbikëqyrjen e Financave Publike dhe Grupi për Studime Juridike dhe Politike organizojn Panelin Diskutues me temë “Sfidat e Financimit të Subjekteve Politike: Ku qëndron Kosova?”. (Qendra e konferencave Orion, ora 10:30)

- Mbahet mbledhje e Komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi në parim i Projektligjit për Trajtimin e ndërtimeve pa lej. (Ndërtesa e Kuvendit, salla N 225, ora 11:00 )

- Asociacioni i Gazetarëve të Kosovës bën publikimin e raportit “Paraja publike e shpenzuar në media”. (Qendra Kulturore dhe Informative të BE-së, ora 11:00)

- Mbahet mbledhje e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të diskutohet rreth sfidave kryesore legjislative dhe politikave lidhur me procesin e MSA-së, me Projektin e Binjakzimit. (Ndërtesa e Kuvendit, salla N 303, ora 11:00)

- Mbahet mbledhje e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të behët shqyrtimi i Projektligjit për Buxhet për vitin 2018 për ministritë e linjës. (Ndërtesa e Kuvendit, salla N204, ora 11:00)

- Organizata ÇOHU! dhe Qendra Kosovare për Gazetari Hulumtuese-Preportr mbajnë konferencën për media ku do të prezantohet hulumtimi mbi patronazhin politik në Kosovë, përkatësisht punësimet e zyrtarëve në pozita të larta vendimmarrëse të cilët kanë lidhje me partitë politike. (Hotel Sirius, ora 11:30)

- Anëtarët e sindikatës së Korporatës Energjetike të Kosovës dhe punëmarrësit tjerë të KEK-ut protestojnë me qëllim mbrojtjen e vendeve të punës për shkak tëmos realizimit te zhvendosjes se zones 52 ha. nga ana e Qeverise dhe menaxhmentit te KEK-ut dhe shpetimi i vendit nga kolapsi energjetik! (Para Qeverisë së Kosovës, ora 12:00)

- Instituti Demokratik i Kosovës në bashkëpunim me Qendrën për Paqe dhe Tolerancë  organizon diskutimin publik “Pritjet e serbëve të Kosovës për dialogun Kosovë-Serbi”, pjesë e së cilit janë deputetë të Kuvendit të Kosovës dhe qytetarë. (Media Center në Çagllavicë, ora 13:00)

- Ministria e Tregtisë dhe Industrisë do të nënshkruan marrëveshje për promovimin e punësimit në sektorin privat në mes MTI-së dhe PPSE-së. (Ndërtesa e MTI-së, ora 13:00)

- Open Data Kosovo dhe Girls Coding Kosova organizojn Orën e Kodimit ne te cilen do të kenë mundësi të kodojnë lojë, programim në telefon, apo edhe Robotikë ku e pranishme do te jete edhe ish-Presidentja e shtetit Znj. Atifete Jahjaga. (Rr. Ganimete Tërbeshi nr. 26A, Aktash, 50 metra larg nga ndërtesës së OSCE, ora 15:30)

- Komuna e Prishtnës organizon hapjen e Tregut të Fundvitit (Sheshi "Zahir Pajaziti", ora 17:00)