21 Shkurt 2018

Ukraina vë sanksione ndaj kompanive ruse të internetit

Kiev, 17 maj - Ukraina vendosi të martën sanksione ndaj grupit më të madh rus të internetit Yandex dhe disa kompanive tjera të njohura të internetit, me arsyen se donte të mbrohej nga sulmet kibernetike.

Kremlini ka kërcënuar se do të hakmerret.

Kufizimet kanë ngrirë të gjitha pasuritë që kanë bizneset ruse brenda Ukrainës. Megjithatë, faqet e internetit të menaxhuara nga këto firma sot ishin ende të aksesueshme në Kiev.

Këshilli i Sigurisë dhe Mbrojtjes i qeverisë ukrainase tha në një deklaratë se sanksionet u ndërmorën pjesërisht si mbrojtje ndaj kompanive \"aktivitetet e të cilave kërcënojnë informacionin dhe sigurinë kibernetike të vendit\".

Kompanitë në fjalë i shtohen një numri prej më shumë se 400 firmash ruse të përfshira në listën e zezë nga Kievi që nga aneksimi i Krimesë nga Rusia në vitin 2014 dhe kryengritja separatiste pro-ruse në Ukrainën lindore.

Kalendari

Ngjarjet e datës 21 Shkurt 2018 - Mbahet punëtoria lidhur me kujdesin ndaj kafshëve dhe mënyrën e trajtimit të qenve endacakë. (Objekti i ri i Komunës së Prishtinës. ora 8:30)

- Kryeministri Ramush Haradinaj merr pjesë në seminarin “Zotimi i politikave dhe përfshirja e komuniteteve Rom dhe Ashkali në shoqërinë Kosovare”. (Ndërtesa e Qeverisë, salla P38, ora 9:00)

- Zyra për Qeverisje të mirë në bashkëpunim me Zyrën e Komisionit Evropian organizon seminarin e përbashkët me temën “Zotimi i politikave dhe përfshirja e komuniteteve Rom dhe Ashakli  në shoqërinë Kosovare”. (Ndërtesa e Qeverisë, salla P38, ora 9:00)

- Mbahet takimi per finalizimin e dokumentit programues të zbatimit të Strategjisë së Evropës Juglindore. (Hotel Swis Diamond, ora 10:00)

- Ministria e Integrimit Evropian organizon konferencën “Dimensioni gjinor i procesit të Integrimit Evropian në Kosovë”. (Hotel Sirius, ora 10:00)

 - Ministria e Shëndetësisë në bashkëpunim me Komisionin për Shëndetësi dhe Mirëqenie Sociale të Kuvendit të Kosovës dhe Zyrën e UNICEF-it në Kosovë, organizon tryezën e rrumbullakët me temën “Zbatimi i ligjit për të ushqyerit me qumësht të gjirit dhe kontributi në zhvillimin e fëmijëve: Sfidat dhe veprimet”. (Hotel Sirius, ora 10:00)

- Ministrja e Mjedisit dhe Planifikimit Hapësinor Albena Reshitaj do të vizitojë Komunën e Mitrovicës, ku bashkë me kryetarin e komunës, Agim Bahtiri do të nënshkruajnë një Memorandum Bashkëpunimi”, në lidhje me realizimin e projekteve në fushën e mjedisit dhe planifikimit hapësinor. (Komuna e Mitrovicës, ora 10:00)

- Studentët e drejtimit të Biokimisë do të protestojnë lidhur me moslicencimin nga ana e Ministrisë së Shëndetsisë, (Para Ministrisë së Shëndetsisë, ora 11:00)

- Ministri i Punëve të Brendshme, Flamur Sefaj raporton para Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës rreth zhvillimeve në Inspektoratin Policor të Kosovës. (Ndërtesa e Kuvendit, salla S-II, ora 11:00)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të shqyrthet në parim i Projektligjit për Shërbimet Postare,  Projektligjit për Metrologji, etj. (Ndërtesa e Kuvendit, salla S-I, ora 11:00)

- Në shënimin e Ditës ndërkombëtare e gjuhës amtare do të mbahet debati mbi temën "Përdorimi i gjuhëve në Kosovë". (Qendra Mediale në Cagalavicë, ora 11:00)

- Behët promovimi i librit “Republika në udhëkryq” të autorit Gëzim Selaci* të organizuar nga SHB Logos-A, në Prishtinë. (Fakulteti Filozofik - Universiteti i Prishtinës, Salla 204, ora 13:00)

- Departamenti i Gazetarisë i Fakultetit të Filologjisë të Universitetit të Prishtinës organizon diskutimin me Uta Ibrahimin vajzen e parë shqiptare që pushtoi majën më të lartë në botë, Everestin. (Amfiteatir i Fakultetit Filologjik, ora 13:00)

- GIZ dhe PEN organizojnë “Ceremoninë përmbyllëse të Garës me Tabela të Zeza”. (Sheshin 21, ora 13:00)

- Zyra e BE-së në Kosovë në bashkëpunim me Kuvendin e Kosovës organizon ngjarjen përmbyllëse për “Projektin e binjakëzimit në mbështetje të Kuvendit të Kosovës”. (Ndërtesa e Kuvendit, salla 506, ora 14:00)

- Mbahet mbledhja e Kryesisë së Kuvendit me kryetarët e grupeve parlamentare lidhur me shqyrtimin e kërkesës për mbajtje të seancës së jashtëzaknshme rend dite shqyrtimi i Projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi. (Ndërtesa e Kuvendit, salla  C-301, ora 16:00)