13 Dhjetor 2017

Face recognition, prezentohet për herë të parë

Prishtinë, 16 maj - Teknologjitë digjitale të sigurimit dhe skenimit elektronik të fytyrës - Digital Security and Face Recognition, u prezentuan sot për herë të parë, në një takim të ekspertëve të kësaj fushe me studentët e kolegjit ISPE.

Në takimin që ishte posaçërisht interesant për studentët e fushës së sigurisë, ligjëruan ekspertët e kompanisë japoneze NEC, Ferenci Gabor dhe Jacob Petrescu, të cilët bënë edhe një demonstrim praktik të sistemeve të skenimit digjital të fytyrës – face recognition duke përdorur kamerat e rezolucionit të lartë dhe kompjuterët me teknologjinë më të re.

Në ligjëratë mori pjesë edhe përfaqësuesi i kompanisë hungareze Metalcom Jozsef Kovacs, kurse delegacioni me ekspertë ndërkombëtare u prit nga anëtari i Këshillit të Kolegjti ISPE, Avni Mazrreku.

Ekspertët e kompanisë NEC në takim demonstruan sisteme teknologjike të njohjes dhe seknimit biometrik të fytyrave dhe përpunimit të të dhënave.

Sistemet që u prezentuan sot për herë të parë në Kosovë për opinionin e gjerë dhe për student, përdoren në aeroporte, përfshi aeroportin JFK në New York, qendra tregtare, ndërtesa publike, hotele dhe lokale të lojërave të fatit në vende të ndryshme të Evropës, Amerikës dhe Azisë.




 

Kalendari

Ngjarjet e datës 13 Dhjetor 2017

- Shoqata e Pediatërve dhe Shoqata e Obstetërve dhe Gjinekologëve të Kosvës organizojnë simpoziumin për skrining prental të anomalive të lindura të zmrës. (Hotel Emerald, ora 9:30)

- Presidenti i Republikës së Kosovës, Hashim Thaçi, merr pjesë në takimin e Ekipit Përgatitor për të Vërtetën dhe Pajtimin. (Hotel Swiss Diamond, ora 10:00)

- Ministria e Punëve të Brendshme do të organizojë takimin e përvitshëm me kryetarët e komunave të cilët janë edhe udhëheqësit e Këshillave Komunal për Siguri në Bashkësi. (Hotel Emerald, ora 10:00)

- Organizata “Amnesty International” prezanton raportin “Plagë që të djegin shpirtin: Dëmshpërblim për të mbijetuarit e përdhunimit gjatë luftës, por drejtësi s’ka akoma”. (Hotel Sirius, ora 10:00)

- Komisioni për Mbikëqyrjen e Financave Publike dhe Grupi për Studime Juridike dhe Politike organizojn Panelin Diskutues me temë “Sfidat e Financimit të Subjekteve Politike: Ku qëndron Kosova?”. (Qendra e konferencave Orion, ora 10:30)

- Mbahet mbledhje e Komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi në parim i Projektligjit për Trajtimin e ndërtimeve pa lej. (Ndërtesa e Kuvendit, salla N 225, ora 11:00 )

- Asociacioni i Gazetarëve të Kosovës bën publikimin e raportit “Paraja publike e shpenzuar në media”. (Qendra Kulturore dhe Informative të BE-së, ora 11:00)

- Mbahet mbledhje e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të diskutohet rreth sfidave kryesore legjislative dhe politikave lidhur me procesin e MSA-së, me Projektin e Binjakzimit. (Ndërtesa e Kuvendit, salla N 303, ora 11:00)

- Mbahet mbledhje e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të behët shqyrtimi i Projektligjit për Buxhet për vitin 2018 për ministritë e linjës. (Ndërtesa e Kuvendit, salla N204, ora 11:00)

- Organizata ÇOHU! dhe Qendra Kosovare për Gazetari Hulumtuese-Preportr mbajnë konferencën për media ku do të prezantohet hulumtimi mbi patronazhin politik në Kosovë, përkatësisht punësimet e zyrtarëve në pozita të larta vendimmarrëse të cilët kanë lidhje me partitë politike. (Hotel Sirius, ora 11:30)

- Anëtarët e sindikatës së Korporatës Energjetike të Kosovës dhe punëmarrësit tjerë të KEK-ut protestojnë me qëllim mbrojtjen e vendeve të punës për shkak tëmos realizimit te zhvendosjes se zones 52 ha. nga ana e Qeverise dhe menaxhmentit te KEK-ut dhe shpetimi i vendit nga kolapsi energjetik! (Para Qeverisë së Kosovës, ora 12:00)

- Instituti Demokratik i Kosovës në bashkëpunim me Qendrën për Paqe dhe Tolerancë  organizon diskutimin publik “Pritjet e serbëve të Kosovës për dialogun Kosovë-Serbi”, pjesë e së cilit janë deputetë të Kuvendit të Kosovës dhe qytetarë. (Media Center në Çagllavicë, ora 13:00)

- Ministria e Tregtisë dhe Industrisë do të nënshkruan marrëveshje për promovimin e punësimit në sektorin privat në mes MTI-së dhe PPSE-së. (Ndërtesa e MTI-së, ora 13:00)

- Open Data Kosovo dhe Girls Coding Kosova organizojn Orën e Kodimit ne te cilen do të kenë mundësi të kodojnë lojë, programim në telefon, apo edhe Robotikë ku e pranishme do te jete edhe ish-Presidentja e shtetit Znj. Atifete Jahjaga. (Rr. Ganimete Tërbeshi nr. 26A, Aktash, 50 metra larg nga ndërtesës së OSCE, ora 15:30)

- Komuna e Prishtnës organizon hapjen e Tregut të Fundvitit (Sheshi "Zahir Pajaziti", ora 17:00)