19 Tetor 2017

Vazhdon kërcënimi i sulmeve kibernetike

Londër, 16 maj - Një sulm kibernetik që ka marrë nën kontroll kompjuterat në 150 vende të botës duket se është zbutur sot, ndërsa njerëzit u kthehen në punë për të filluar një javë të re.

Tri ditë më parë infektimi kibernetik u përhap në 15 vende të botës. Zyrtarët e shëndetësisë në Britani, ku operacionet dhe konsultat me mjekët përsuan mjaft çrregullime të premten, thanë se sot përsëri pati probleme. Por ministri i shëndetësisë Jeremy Hunt shtoi se ishte inkurajues fakti që vala e dytë e sulmeve nuk u materializua.

Ai tha se niveli i aktivitetit kriminal ishte sot në shkallën më të ulët të parashikuar.

Në Shtetet e Bashkuara, Tom Bossert, këshilltar i presidentit Donald Trump për sigurinë e vendit, tha për rrjetin televiziv ABC se sulmi global ndaj sigurisë kibernetike \"tani për tani është nën kontroll\".

Europoli tha të dielën se sulmi kibernetik ka prekur më shumë se 100 mijë organizata me virusin që merr “peng” kompjuterin derisa përdoruesi bën një pagesë.

“Kemi shqetësime se sa do të shtohet numri kur njerëzit të shkojnë në punë dhe të ndezin kompjuterat të hënën”, tha drejtori i Europolit Rob Wainwright për televizionin britanik ITV.

Ekspertë të sigurisë kompjuterike kanë siguruar përdoruesit që i mbajnë sistemet operuese të përditësuara se ato janë realitivisht të sigurta. Ata u kanë bërë thirrje kompanive dhe qeverive që të aplikojnë programe të sigurisë ose të kalojnë drejt sistemeve të reja operuese.

Autoritetet i kanë këshilluar rrjetet e prekura që janë bllokuar nga sulmi kibernetik që të mos paguajnë haraçin që u kërkohet, vlerën prej 300 dollarësh në monedhën dixhitale, bitcoin.

Megjithatë, autorët e sulmit me virusin pengmarrës “WannaCry” u kanë thënë viktimave të tyre se gjoba do të dyfishohet nëse pagesa nuk kryhet brenda tre ditësh, ku e hëna është afati i fundit në shumë raste. Hakerët kanë paralajmëruar se do të fshijnë të gjitha të dhënat në sistemet e prekura kompjuterike nëse pagesa nuk bëhet brenda shtatë ditësh.

“Avast”, një firmë ndërkombëtare e sigurisë kompjuterike që pretendon se ka 400 milionë përdorues në mbarë botën, thotë se sulmet me virusin “pengmarrës” u rritën ndjeshëm të shtunën duke shkuar në 57 mijë.

Hulumtuesi gjen “çelësin e bllokimit”

Ekpsertë të sigurisë kompjuterike thanë se sulmi aktual mund të kishte qënë shumë më i rëndë, po të mos kishte qënë për një ekspert në Britani që zbuloi me shpejtësi një pikë të dobët brenda virusit, të njohur si “WanaCryptor 2.0”.

Hulumtuesi, i identifikuar si “MalwareTech” gjeti një “çelës bllokues” brenda virusit ndërsa po studionte strukturën e tij.

Funksioni që zbuloi ai ndaloi aftësitë e virusit për t’u shumëfishuar në të gjitha terminalet e një sistemi të infektuar që synonte bllokimin e gjithë terminaleve. Virusi e arrinte këtë duke vendosur kontakt me një adresë alfanumerike, ose “URL”, të gjatë dhe sekrete në internet

Adresa “URL”, nuk ishte e aktivizuar dhe hulumtuesi gjeti se adresa sekrete nuk ishte e rregjistruar nga askush. Ai menjëherë e kërkoi adresën për vete, duke shpenzuar vetëm 11 dollarë për ta blerë atë. Kështu aaktivizizmi i kësaj adrese ngadalësoi ndjeshëm shpejtësinë e përhaëjes së virusit në Britani.

Ekpsetët kanë paralajmëruar se autorët pas sulmit kibernetik mund të kenë aftësitë për të çaktivizuar “çelësin bllokues” në variantet e përditësuara të virusit ndërsa variante të reja tashmë po shfaqen.

“WanaCryptor 2.0” është vetëm pjesë e problemit. U shpërnda me shpejtësi tek shumë kompjuterë duke përdorur një program të aftë për të vepruar fshehurazi tek kompjuterat që operojnë me sistemin Windows. Shfrytëzimi i programit të njohur si \"EternalBlue\" ose \"MS17-010,\" shftytëzoi dobësitë në sistemin operues të Mikrosoftit. Sipas njoftimeve, programi në fjalë është krijuar nga Agjencia amerikane për Sigurinë Kombëtare, e cila e përdori atë për aktivitete survejimi.

NSA nuk flet mbi aftësitë e saj, ndërsa disa ekspertë kompjuterash thonë se programi \"EternalBlue\" ose \"MS17-010,\" u shfrytëzua nga palë të panjohura që përdorën emrin “Equation Group”, që mund të jetë i lidhur me NSA. Pavarësisht burimit, programi në fjalë u postua në internet një muaj më parë nga një grup hakerësh i quajtur “ShadowBrokers”.

Firma Microsoft shpërndau dy muaj më parë një program përditësimi për të përmirësuar këtë dobësi të sistemit, por jo të gjithë kompjuterat dhe rrjetet e kishin aplikuar këtë përditësim. Në shumë vende të botës, përdoruesit ende kanë në funksion sistemin operues Windows XP. Pavarësisht se Microsofti shpërndau një program përditësimi për Windows XP, kompania kryesisht ka hequr dorë nga mirëmbajtja e këtij sistemi operativ.

Firma finlandeze e sigurisë kompjuterike F-Secure e quajti problemin që po përhapet në shkallë botërore si “’pengmarrja më e madhe kompjuterike në histori”. Firma tha se ka paralajmëruar për rritjen e mundshme të “pegmarrjes kompjuterike” si dhe rreziqet nga mjetet e sofistikuara të përgjimit që përdorin qeveritë.

Kalendari

Ngjarjet e datës 19 Tetor 2017

- Kryeministri Ramush Haradinaj viziton Valën dhe Telekomin e Kosovës. (Ndërtesa e PTK-së, ora 9:30)

 - Oda Ekonomike Amerikane në Kosovë organizon tryezën me temën “Rëndësia e Parandalimit të Korrupsionit në Zhvillim Ekonomik”. (Sëiss Diamond Hotel, ora 9:45)

- Ministria e Drejtësisë dhe Njësia Kosovare e  BioetikÑ‘s në UNESCO nÑ‘ kuadrin e Ditës Botërore tÑ‘ BioetikÑ‘s organizon konferencën një ditore më moton "Barazia,Drejtësia dhe Paanshmëria". (Ministria e Drejtësisë në objektin e ri të Qeverisë, ora 10:00)

- Instituti Demokraci për zhvillim mban konferencë ku do të bëhet prezantimi i punimit "Sa janë të pavarura autoritetet rregullative në Kosovë?”. (Hotel Sirius, ora 10:00)

- Mbahet mbledhja e Komisionit për Mbikëqyrjen e Financave Publike nw tw cilwn do tw bwhwt tërheqja e shortit lidhur me Auditimin e Raporteve Vjetore Financiare dhe Raportet e Deklarimit Financiar të Fushatës, së subjekteve politike, për vitet 2013, 2014, 2015 dhe 2016. (Ndërtesa e Kuvendit, salla S-I, ora 10:00)

- Grupi për Studime Juridike dhe Politike mban konferencë për media në të cilën do të diskutohet mbi sistemin e financimit të subjekteve politike, me një fokus të veçantë në zgjedhjet lokale të 22 tetorit. (Përballë Kino ABC, mbi Maxi Market, hyrja ngjitur me qendrën Orion, Kati 2, ora 10:30)

- Kryetarja e Komisionit Qendror të Zgjedhjeve, Valdete Daka, Drejtori i Përgjithshëm i Policisë së Kosovës, Shpend Maxhuni dhe Kryeprokurori i Shtetit, Aleksandër Lumezi mbajn konferencën e përbashkët lidhur me përgatitjet e përbashkëta për Zgjedhjet Lokale 2017.  (Selia e KQZ-së, ora 11:00)

- Kryeministri Ramush Haradinaj pret në takim zëvendëskryeministren dhe ministren e Punëve të Jashtme të Republikës së Bullgarisë, Ekaterina Zaharieva. (Ndërtesa e Qeverisë, ora 13:00)

- Qendra Informative dhe Kulturore e BE-së organizon panelin e diskutimit "Arsimi i lartë në Kosovë - sfidat kryesore dhe rruga përpara", ku do të diskutohen çështjet e ngutshme në arsimin e lartë në Kosovë dhe masat e nevojshme për t’i adresuar këto sfida. (Qendra Informative dhe Kulturore e BE-së, ora 14:00)

 

Ngjarjet e fushatës elektorale



- Kandidati i Aleancës për Ardhmërinë e Kosovës për Kryetar të Prishtinës, Arbër Vllahiu, viziton tregun kryesore të qytetit. (Tregu te Klan Kosova, ora 9:30)

- Kandidati i LDK-së për kryetar të Prishtinës, Arban Abrashi takohet me përfaqësuesit SBASHK-ut. (Qendra e Studentëve, ora 10:00)

- Kandidati i Aleancës për Ardhmërinë e Kosovës për Kryetar të Prishtinës, Arbër Vllahiu mban fushatën elektorale në Dabishevc. (Dabishevc, ora 11:00)

- Kandidati i Lëvizjes Vetëvendosje! për kryetar të Vitisë, Salih Salihu mban tubim elektoral në Viti. (Shtëpinë e Kulturës "Gursel e Bajram Sylejmani" në, ora 12:00)

- Partia Demokratike e Kosovës mban tubimin përmbyllës të fushatës në Drenas. (Palestra Sportive, Drenas, ora 12:30)

- Kandidati i Aleancës për Ardhmërinë e Kosovës për Kryetar të Prishtinës, Arbër Vllahiu mban fushatën elektorale në Lagjen e Muhaxherëve dhe Bregu i Diellit. (Lagjja e Muhaxherëve, ora 13:00)

- Aleanca për Ardhmërinë e Kosovës mban tubim elektoral në Suharekë. (Palestra e Sporteve në Suharekë, ora  17:00)

- Kandidati i Lëvizjes Vetëvendosje! për për kryetar të Gjilanit, Sami Kurteshi. (Palestra e Sporteve "Bashkim Selishta - Petriti", në Gilan, ora 17:00)

- Kandidati i Aleancës për Ardhmërinë e Kosovës për Kryetar të Prishtinës, Arbër Vllahiu viziton Hackerspace. (Hackerspace, ora 17:00)

- Nisma për Kosovën mban tubimin e mbylljes së fushatës elektorale për zgjedhjet lokale të 22 tetorit në Prishtinë. (Pallati i Rinisë, ora 17:30)

- Kandidati i Aleancës për Ardhmërinë e Kosovës për Kryetar të Prishtinës, Arbër Vllahiu mban fushatën elektorale në Tevezhdoll. (Tevezhdoll, ora 18:00)

- Partia Demokratike e Kosovës mban tubimin elektoral në Mitrovicë. (Palestra Sportive “Minatori”, ora 18:00)
 
- Aleanca për Ardhmërinë e Kosovës mban tubim elektoral me veteranët e UÇK-së në Rahovec. (Restaurant "Park" në, ora 18:15)

- Aleanca për Ardhmërinë e Kosovës mban tubim elektoral në Krushë të Rahovecit. (Shtëpia e Kulturës në Rahovec, ora 19:00)

- Kandidati i Aleancës për Ardhmërinë e Kosovës për Kryetar të Prishtinës, Arbër Vllahiu mban fushatën elektorale në Besi. (Besi, ora 19:00)

- Kandidati i LDK-së për kryetar të Prishtinës, Arban Abrashi takohet me banorët e lagjes së Muhaxherëve. (Shkolla fillore “Naim Frashëri”, ora 19:00)
 
- Kandidati i Lëvizjes Vetëvendosje! për kryetar të Fushë-Kosovës, Driton Avni Zogiani mban tubim elektoral në Fushë Kosovë. (Shtëpia e Kulturës, në ora 20:00)