19 Nëntor 2017

Drejtoria e Urbanizmit për 6 muaj pranon 348 kërkesa

Gjilan, 14 korrik - Komiteti për Planifikim Urban dhe Mbrojtje të Mjedisit në Gjilan ka miratuar të premten raportin e punës së drejtorisë së linjës për 6-mujorin e parë të këtij viti, ku nënvizohen të gjitha aktivitetet e kryera gjatë kësaj periudhe.

Fadil Sherifi, shef i Sektorit të Planifikimit në këtë drejtori ka thënë se gatishmëria e qytetarëve për të legalizuar ndërtimet e reja, duke u pajisur me leje ndërtimore, ka qenë më e madhe se asnjëherë më parë.

Janë shqyrtuar, analizuar, reviduar dhe proceduar parcelime të trojeve, të infrastrukturës si dhe propozim zgjidhjet e hapësirave të ndryshme publike për 22 raste, ndërkaq që 52 të tjera janë në procedurë.

Bëhet e ditur se gjatë kësaj periudhe janë pranuar gjithsej 348 kërkesa të ndryshme për parcelim të truallit, kushte ndërtimi, leje ndërtimi, leje përdorimi, leje rrënimi, ankesa dhe 292 prej tyre janë shqyrtuar, kurse 56 të tjera janë në procedurë.

“Janë realizuar të hyra të përgjithshme prej 451 mijë euro dhe vetëm nga lejet e ndërtimit janë 417.235 euro, kurse nga legalizimet – 5668 euro. Gjatë kësaj periudhe ka pasur edhe aksione për rrënimin e objekteve, me ç`rast janë rrënuar 4 objekte, dy nga këto objekte të banimit kolektiv, një depo dhe një motel”, thuhet në një komunikatë të Komunës së Gjilanit.

Gjithashtu bëhet e ditur se ka vazhduar procesi i legalizimit për të gjitha ato objekte të cilat kanë qenë në procedurë dhe do të vazhdohet më tutje pas miratimi të ligjit Kuvend, meqë ka ndryshime, ka thënë Sherifi.
Sipas Sherifit, interesimi i  qytetarëve është çdo ditë e më i madh. “Gjate kësaj periudhe janë shqyrtuar dhe miratuar 22 kërkesa të cilat kanë qenë në proces, për 6794.64 m2, që shprehur në mjete financiare janë 5668 euro”, ka thënë Sherifi.

Në raport përmenden edhe objektivat me prioritet të Drejtorisë së Urbanizmit për periudhën e  ardhshme.

Florina Zymberi (PDK) ka thënë se raporti është për t`u përshëndetur nëse merret parasysh fakti se drejtoria punon me staf të reduktuar. Sipas saj, numri i lëndëve të zgjidhura është i vogël, në krahasim me numrin e lëndëve që procedurë. 

Edhe Arton Hoxha, kryesues i Komitetit, ka thënë se në raport do të duhej të nënvizohej mungesa e stafit, meqë dihet se një numër i zyrtarëve janë pezulluar përkohësisht nga puna, si pasojë e aktakuzës që ka ngritur prokuroria, nën dyshimin për keqpërdorim të detyrës, prandaj edhe ka ngecje në realizimin e lëndëve.   

Fadil Sherifi (DUMM) ka thënë se është e vërtetë që mungesa e stafit reflekton në efikasitetin e punës, por ka sqaruar se kërkesat që ende nuk kanë marrë përgjigje, janë kryesisht të natyrës së lehtë.   

Njëherësh, KPUMM ka përkrahur rekomandimet e Drejtorisë sa iu përket disa kërkesave të qytetarëve dhe iniciativave qytetare që kishin të bënin kryesisht me ndërrim të destinimit të parcelave në lagjet “Çezma e Pedigocit”, “Livadhet e Arapit” dhe “Dheu i Bardhë 2”, shumica prej të cilave janë refuzuar.

Florina Zymberi (PDK) ka abstenuar në shqyrtimin e kësaj pike, me arsyetim se materiali është dërguar me vonesë dhe nuk ka mundur t`i analizojë kërkesat, ndërkohë që Bajram Hasani (Nisma) e ka braktisur takimin pas kërkesës së tretë, duke kërkuar nga opozita (PDK e VV) që t`i bashkohen atij, me qëllim që të pamundësojnë mbajtjen e Komitetit, për mungesë të numrit të nevojshëm minimal të anëtarëve, por nuk është përkrahur.

Në të vërtetë, Hasani ka insistuar që kërkesa e Fatmir Dakut për ndërrim të destinimit të  parcelës në zonën e quajtur “Livadhet e Arapit”, të cilën DUMM e ka refuzuar, të kthehet në rishqyrtim, por nuk është miratuar nga Komiteti.   

Kalendari

Ngjarjet e datës 19 Nëntor 2017 - Kryetarja e KQZ-së, Valdete Daka do të votojë në Prishtinë ku me pas votimit do të jap deklaratë për media për fillimin e votimit për kryetar në 19 komuna dhe rivotimin për kryetar të komunës së Parteshit. (Qendra e Votimit 1907E në Fakultetin Teknik, ora 07:00)

- Komisioni Qendror i Zgjedhjeve mban konferencën e parë për media lidhur me hapjen e qendrave të votimit në Republikën e Kosovës. (Qendra mediale të KQZ-së, ora 8:00)

 - Kongresmenit amerikan, Eliot Engel do të vizitojë qendrën e thirrjeve të Demokracisë në Veprim. (Qendra për media e DnV-së në Hotel Sirius, ora 9:00)

- Deputeti i i Lëvizjes Vetëvendosjes, Albin Kurti  voton Fakulteti Juridik  të Universitetit te Prishtinës. (Qendra e votimit 1913E, Vendvotimi - 1913E/03R , ora 9:00)

- Kongresmeni amerikan, Eliot L. Engel do të vizitojë Komisionin Qendror të Zgjedhjeve, ku do të pritet nga anëtarët e KQZ-së dhe me pas do të japin nga një deklaratë para gazetarëve. (Selia e KQZ-së, ora 9:20)
 
- Demokracia në Veprim mban konferencën e parë për media lidhur me hapjen e vend votimëve. (Qendra për media e DnV-së në Hotel Sirius, ora 9:30)

- Kandidatja e PDK-së për kryetare të Komunës së Mitrovicës, Valdete Idrizi, voton në shkollën fillore “Çajupi”. (Mitrovicë, ora 9:30)

- Kryetari i Komunes se Gjilanit, Lutfi Haziri voton në shkollën fillore “Abaz Ajeti”. (Gjilan, ora 9:45)

- Kandidati i i Lëvizjes Vetëvendosjes për kryetar të Gjilanit Sami Kurteshi voton në Gjilan. (Shkolla fillore "Selami Hallaqi", ora 10:00)

- Kryeministri i Republikës së Kosovës, Ramush Haradinaj me bashkëshorten Anita Haradinaj, do të votojnë  në Shkollën e Mjekësisë “Ali Sokoli”. (Prishtinë, ora 10:00)

- Kryetari i Prishtinës, Shpend Ahmeti voton në Shkollë fillore "Faik Konica". (Qendra e votimit 1903E, Vendvotimi - 1903E/01R, ora 10:00)

- Kandidati i i Lëvizjes Vetëvendosjes për kryetar të Prizrenit Mytaher Haskuka voton në Prizren. (Shkolla e mesme  "11 Marsi", ora 11:00)

- Kandidati i i Lëvizjes Vetëvendosjes për kryetar të Podujevës, Ajet Potera voton në Podujevë. (Shkolla fillore “Naim Frashëri”, ora 10:00)

- Kandidati i i Lëvizjes Vetëvendosjes për kryetar të Kaçanikut, Basri Kodra voton në Kaçanik. (Shkolla Fillore “Emin Duraku”, ora 10:30)

- Kryetari i Lëvizjes Vetëvendosjes Visar Ymeri voton në Shkollen fillore "Faik Konica" ne Prishtinë. (Qendra e votimit 1903E, Vendvotimi - 1903E/09D në objektin e shkollës, ora 11:00)

- Komisioni Qendror i Zgjedhjeve mban konferencën e dytë për media lidhur me pjesëmarrjen në votime dhe për procesin zgjedhore deri në ora 11:00. (Qendra mediale të KQZ-së, ora 11:30)

- Zëvendëskryeministri i Kosovës, Fatmir Limaj do të votojë në shkollën fillore Faik Konica. (Prishtinë, ora 12:00)

- Aleanca për Ardhmërinë e Kosovës, do të zhvilloj konferencën e rregulltë për media. (Salla e Mediave në Selinë Qendrore të AAK-së, ora 12:00)

- Kandidati i i Lëvizjes Vetëvendosjes për kryetar të Kamenicës Qëndron Kastrati voton në Kamenicë. (Gjimnazi “Ismail Qmali”, ora 12:00)

- Lidhja Demokratike e Kosovës në Gjilan mban konferencën e radhës për media. (Selia e LDK-së, ora 12:00)

- Lëvizja Vetëvendosje mban konferencë për media në të cilën do të flasin Nënkryetari dhe deputeti, Dardan Sejdiu. (Zyret e Vetëvendosjes në lagjen "Arbëria", ora 12:00)

- Demokracia në Veprim mban konferencën e dytë për media lidhur me mbarëvajtjen e procesit te votimit. (Qendra për media e DnV-së në Hotel Sirius, ora 14:00)

- Komisioni Qendror i Zgjedhjeve mban konferencën e tretë për media lidhur me pjesëmarrjen në votime dhe për procesin zgjedhore deri në ora 15:00. (Qendra mediale të KQZ-së, ora 15:30)

- Aleanca për Ardhmërinë e Kosovës, do të zhvilloj konferencën e rregulltë për media. (Salla e Mediave në Selinë Qendrore të AAK-së, ora 16:00)

- E Diela e tretë e muajit Nëntor shënon Ditën Botërore për Përkujtimin e Viktimave në Trafikun Rrugor me c'rast behët ndezja e qirinjëve, në nderim të viktimave të cilët kanë humbur jetën në aksidente trafiku. (Teatri Kombëtar në Prishtinë, ora 17:00)

- Demokracia në Veprim mban konferencën e tretë për media lidhur me mbarëvajtjen e procesit te votimit. (Qendra për media e DnV-së në Hotel Sirius, ora 19:00)

- Komisioni Qendror i Zgjedhjeve mban konferencën e katertë për media lidhur me pjesëmarrjen në votime dhe për procesin zgjedhore deri në ora 19:00. (Qendra mediale të KQZ-së, ora 20:00)