23 Shtator 2017

MCC prezanton planet investive para shoqërisë civile

Prishtinë, 21 prill - Zyra e Sfidave të Mijëvjeçarit pranë Zyrës së Kryeministrit të Republikës së Kosovës organizoi një tryezë të rrumbullakët me përfaqësues të OJQ-ve, ku u prezantuan planet preliminare të investimeve të agjencionit amerikan MCC në Kosovë.

Organizatat e pranishme në këtë tryezë operojnë në fushat sociale dhe ambientale në Kosovë, dy fusha që mbulohen me projektet e planifikuara.
 
Në fjalën e tij të hapjes, koordinatori nacional z. Petrit Selimi falënderoi organizatat pjesëmarrëse për ndihmën që i kanë dhënë Zyrës së Sfidave të Mijëvjeçarit për të identifikuar në Kosovë fushat e mundshme të investimeve transformative për rritje ekonomike, zvogëlim të varfërisë dhe krijim të vendeve të reja të punës.
 
Ai bëri të ditur që ekipi i MCC tashmë është në fazën përfundimtare të planifikimit të projekteve. Ky planifikim bëhet sipas metodologjisë formale të përdorur në tërë botën, kurse në qershor pritet edhe formalizimi i marrëveshjes në mes të MCC dhe Qeverisë së Kosovës. Kjo marrëveshje pritet sjell dhjetëra milionë dollarë investime të freskëta në zhvillimin ekonomik.
 
Selimi poashtu informoi të pranishmit që ka angazhuar një kompani ndërkombëtare e cila është në proces të kryerjes së sondazhit të shfrytëzimit të kohës nga ana e fuqisë punëtore në tërë Kosovën, me fokus te gratë.
 
Sipas Selimit, ky studim, i pari i këtij lloji në Kosovë, do të përfshijë 10 mijë respodentë (familje), të cilët pritet të ofrojnë informacion të jashtëzakonshëm që do të mund të përdoret nga të gjitha grupet e interesit dhe institucionet që zhvillojnë politika dhe strategji, për të adresuar problemin e papunësisë në vendin tonë.
 
Duke u ndalur te përfshirja e ultë e gruas në tregun e punës, z.Selimi ka shtuar: ‘Përfshirja e gruas në tregun e punës në Kosovës është alarmuese. Ekspertët tanë lokal dhe ata nga Washingtoni janë kujdesur që secili projekt i dorëzuar për aprovim, të ketë elaborim të kujdesshëm për mënyrat e përfshirjes gjinore.’

Alban Zogaj, ekonomisti kryesor në Zyrën e Sfidave të Mijëvjeçarit, ka bërë një përshkrim të detajuar të metodologjisë të identifikimit të barrierave kryesore të zhvillimit ekonomik dhe dizajnimit të projekteve në fushat e përmendura.
 
Ndërsa, Violeta Rexha, eksperte për barazi gjinore dhe përfshirje sociale pranë Zyrës së Kryeministrit, në prezantimin e saj ka theksuar se integrimi i çështjeve gjinore në çdo fazë të zhvillimit programit, duke filluar nga planifikimi, dizajnimi i projekteve, zbatimi dhe evaluimi i tyre, ka qenë proces i cili garanton përfitimin e barabartë të gruas në secilin projekt të aprovuar.
 
Ekspertët e Zyrës së Sfidave të Mijëvjeçarit në Kosovë dhe përfaqësuesit e MCC nga Washingtoni, gjatë vizitave të shumta në Kosovë në proces të dizajnimit të projekteve janë takuar me disa qindra bashkëfolës nga komuniteti i donatorëve, institucione kosovare, shoqëri civile si dhe përfaqësues të biznesit.
 
Kualifikimi i Kosovës për një nga programet më inovative dhe transformative të ofruara në Kosovë, e obligon vendin tonë të punojë dhe raportojë për arritjet e standardeve të larta në qeverisje të mirë, luftim të korrupsionit dhe liritë ekonomike.
 
Kosova është parakualifikuar për programe të MCC në dhjetor të 2015, ndërsa projektet e para pritet të aprovohen dhe fillojnë së implementuari gjatë 6 muajve të ardhshme. 

Kalendari

Ngjarjet e datës 23 Shtator 2017 - Universiteti “Kadri Zeka” bashkorganizator i manifestimit tradicional kulturor, letrar e shkencor “Takimet e Dom Mikelit”. (Stubëll të Epërme të Vitisë, ora 9:00)

- Fakulteti i Komunikim Masiv i Kolegji AAB në bashkëpunim me Departamentin e Gazetarisë dhe Komunikimit - FHF - Universiteti i Tiranës, Università per Stranieri di Perugia, Itali, Departamentin e Letërsisë dhe Gazetarisë - Universiteti i Elbasanit, Departamentin e Komunikimit - Universiteti Bedër-Tiranë, School of Journalism and Public Relations, Shkup dhe Institute of Communication Studies - Shkup, organizojnë Konferencën Shkencore Ndërkombëtare “Historia e medias dhe transformimet mediatike”. (Teatrin AAB “Faruk Begolli” të Kolegjit AAB, ora 10:30)

- Nën përkujdesje të kryetarit të Komunës së Pejës, Gazmend Muhaxheri organizohet Akademi Përkujtimore kushtuar luftëtarëve të lirisë, Sebahate Tolaj e Isuf Haklaj. (Amfiteatri i qytetit ‘Istref Begolli’ në Pejë, ora 11:00)

- Komuna e Pjese do të bëj zbulimi i lapidarit të luftëtarëve të lirisë, Sebahate Tolaj e Isuf Haklaj. (Para objektit të policisë së Kosovës në Pejë, ora 12:00)

- Në kuadër të Simpoziumit Ndërkombëtar te Shkencave Shëndetësore mbahet Workshopi me ekspert vendor dhe të huaj i organizuar nga nga Kolegji Heimerer dhe Instituti i Evropës Juglindore për Politika Shëndetësore dhe Sociale. (Swiss Diamond Hotel, ora 13:00)
 
- Pas identifikimit të trupit të pa jetë të Dëshmorit të Kombit Kapllan Ahmeti, SHFD e UÇK - së në Bashkëpunim me Kuvendin Komunal të Skenderajit, organizojn ceremonin e rivarrimit të dëshmorit të kombit Kapllan Ahmeti. (Varrezat e dëshmorëve në fshatin Radishevë, Skenderaj, ora 15:00)

- Federata e Paqes Universale organizon konferencën ndërkombëtare me temë “Kultura dhe Paqja në Ballkan- Roli i Parlamentarëve“. (Kuvendi i Kosovës, salla 506, ora 15:00)




Ngjarjet e fushatës zgjedhore

- Lidhja Demokratike e Kosovës Dega në Prizren, mban Konferencë për Medie. (Zyrat e LDK-së te Shadërvani në Prizren, ora 11:00)

- Kandidati i LDK-së për kryetar komune në Mitrovicë, Safet Kamberi do ta shpalosë programin qeverisës për qytetarët dhe prezantimin e kandidatëve për Asamble Komunale. (Sheshi afër zyrave të LDK-së në Mitrovicë, ora 13:00)

- Kryetari i Komunës së Prishtinës, Shpend Ahmeti, mban konferencë për media ku do të flet për një nga projektet e radhës për Prishtinën. (Zyrët e Lëvizjes Vetëvendosje! në lagjen Arbëria, ora 14:00)

- Aleanca per Ardhmërinë e Kosovës mban manifestimin qendror të hapjes së fushatës për zgjedhjet lokale të 22 Tetorit 2017.  (Salla “1 Tetori” në Prishtinë, ora 14:00)

- Kryetari i Partisë Demokratike të Kosovës, Kadri Veseli do të jetë prezentë në Ferizaj ku do të merr pjesë në tubimin fushatës për zgjedhjet lokale 2017. (Selia e degës së PDK-së në Ferizaj, ora 15:00)

- Partia Demokratike e Kosovës mban takim zgjedhorë në fshatin Rakaj të Ferizajt. (Fshati Rakaj, ora 16:00)

- Lidhja Demokratike e Kosovës shpalosë Platformën për Zhvillim Ekonomik Lokal. (Hotel International në Prishtinë, ora 17:00)

- Lëvizja Vetëvendosje mban tubimin zgjedhor të radhës, në qytetin e Gjilanit. (Teatri i Qytetit, ora 17:00)

- Partia Demokratike e Kosovës mban takim zgjedhorë në fshatin Komogllavë të Ferizajt. (Fshati Komogllavë, ora 17:00)

- Gruaja Demokratike në Gjakovë organizon manifestimin solemnë me rastin e prezantimit të kandidateve femra të cilat garojnë në listen për Asamble Komunale në Gjakove nga Partia Demokratike e Kosovës. (Hotel Pashtriku në Gjakovë, ora 17:00) 

- Partia Demokratike e Kosovës mban takim zgjedhorë me qytetarë të Ferizajt. (Restaurant “Fitorja”, ora 19:00)