22 Gusht 2019

BERZH: Qeveria e Kosovës e papjekur për të pasur qasje në hua

Prishtinë, 10 mars - Republika e Kosovës mund të hyjë borxh në Bankën Evropiane për Rindërtim dhe Zhvillim (BERZH) vetëm 115 milionë euro brenda vitit.

Këtë limit e përcakton strategjia e kësaj banke për investime në Kosovë dhe e cila varet nga marrëveshja me FMN-në.

“Aftësia sovrane huamarrëse e Kosovës ka shumë mundësi që të jetë e kufizuar brenda kufijve të vendosur nga marrëveshjet me Fondin Monetar Ndërkombëtar”, thuhet në draftstrategjinë e BERZH-it për përkrahjen e ekonomisë së Kosovës, shkruan Koha Ditore.

Në këtë dokument të Bankës Evropiane për Rindërtim dhe Zhvillim thuhet se “institucionet vendëse ende janë të papjekura për të pasur qasje në huat e kësaj banke”.

Sipas draftit, aftësia e institucioneve për këtë çështje duhet të vihet në provë edhe për një kohë të caktuar. 


/Koha Ditore/

Kalendari

Ngjarjet e datës 22 gusht 2019

- Mbahet seanca plenare e Kuvendit të Republikës së Kosovës në të cilën do të behët shqyrtimi i propozimit të Grupit të deputetëve për shpërndarjen e Legjislaturës së gjashtë të Kuvendit të Republikës së Kosovës. (Kuvendi i Kosovës, ora 10:00)

- Komuna e Prishtinës organizon vendosjen e pesë njësive shtesë të pemëve për pastrimin e ajrit në sheshin "Zahir Pajaziti" ku do të jetë prezent dhe Kryetari i Komunës, Shpend Ahmeti. (Sheshi i 'Zahir Pajazitit', ora 10:00)

 - Mbahet dita e tretë e Etnofestit në të cilën do të mbahet punëtoria kreative, instalacione me atelje te pikëtorëve dhe skulptorëve, punime artizanale, etj. (Ambientet e Etnofestit në fshatin Kukaj, ora 10:30)

- Kryetari i Komunës se Istogut, Haki Rugova do të organizojë dëgjimin me qytetarë për Draft Buxhetin Komunal për vitet 2020-2022. (Salla e Kuvendit Komunal në Istog, Kati III, ora 11:00) 

- Kryetari i Komunës së Prizrenit Mytaher Haskuka do të pret në takim anëtarin e Parlamentit Britanik, John Grogan ku pas takimit do të ketë edhe një konferencë të përbashkët për media. (Shtëpia e Bardhë në Prizren, ora 13:00)

- Aleanca Franceze e Prishtinës, Kino Armata dhe Termokiss organizojnë së bashku edicionin e parë të festivalit "Kino nshehër". (Termokis, ora 20:00)